Sri Shukra Nama Stotram – श्री शुक्र नाम स्तोत्रम्

॥ श्री शुक्र नाम स्तोत्रम् ॥ ॥ श्रीस्कन्दपुराणे ॥ ॥ षोडश नामानि ॥ शुक्रः काव्यः शुक्ररेता शुक्लाम्बरधरः सुधी । हिमाभः कुन्दधवलः शुभ्रांशुः शुक्लभूषणः ॥ १ ॥ नीतिज्ञो नीतिकृन्नीतिमार्गगामी ग्रहाधिपः । उशना वेदवेदाङ्गपारगः कविरात्मवित् ॥ २ ॥ भार्गवः करुणाः सिन्धुर्ज्ञानगम्यः सुतप्रदः । शुक्रस्यैतानि नामानि शुक्रं स्मृत्वा तु यः पठेत् ॥ ३ ॥ ॥ फलश्रुति ॥ आयुर्धनं सुखं पुत्रं लक्ष्मी वसतिमुत्तमाम् । विद्यां चैव स्वयं तस्मै शुक्रस्तुष्टो ददाति च ॥ ४ ॥ ॥ इति श्रीस्कन्दपुराणे श्री शुक्र स्तोत्रम् सम्पूर्णम् ॥