Sri Shukra Chaturvimshati Nama Stotram – श्री शुक्र चतुर्विंशतिनाम स्तोत्रम्

॥ श्री शुक्र चतुर्विंशतिनाम स्तोत्रम् ॥ ॥ श्रीस्कान्दपुराणे ॥ शृण्वन्तु मुनयः सर्वे शुक्रस्तोत्रमिदं शुभम् । रहस्यं सर्वभूतानां शुक्रप्रीतिकरं परम् ॥ १ ॥ येषां सङ्कीर्तनैर्नित्यं सर्वान् कामानवाप्नुयात् । तानि शुक्रस्य नामानि कथयामि शुभानि च ॥ २ ॥ ॥ चतुर्विंशति नामानि (24 नाम) ॥ शुक्रः शुभग्रहः श्रीमान् वर्षकृद्वर्षविघ्नकृत् । तेजोनिधिर्ज्ञानदाता योगी योगविदां वरः ॥ ३ ॥ दैत्यसञ्जीवनो धीरो दैत्यनेतोशना कविः । नीतिकर्ता ग्रहाधीशो विश्वात्मा लोकपूजितः ॥ ४ ॥ शुक्लमाल्याम्बरधरः श्रीचन्दनसमप्रभः । अक्षमालाधरः काव्यः तपोमूर्तिर्धनप्रदः ॥ ५ ॥ ॥ पाठ विधान ॥ चतुर्विंशतिनामानि अष्टोत्तरशतं यथा । देवस्याग्रे विशेषेण पूजां कृत्वा विधानतः ॥ ६ ॥ ॥ फलश्रुति ॥ य इदं पठति स्तोत्रं भार्गवस्य महात्मनः । विषमस्थोऽपि भगवान् तुष्टः स्यान्नात्र संशयः ॥ ७ ॥ स्तोत्रं भृगोरिदमनन्तगुणप्रदं यो भक्त्या पठेच्च मनुजो नियतः शुचिः सन् । प्राप्नोति नित्यमतुलां श्रियमीप्सितार्थान् राज्यं समस्तधनधान्ययुतां समृद्धिम् ॥ ८ ॥ ॥ इति श्रीस्कान्दपुराणे श्री शुक्र चतुर्विंशतिनाम स्तोत्रम् सम्पूर्णम् ॥