॥ श्री महालक्ष्मि विशेष षोडशोपचार पूजा ॥ पुनः सङ्कल्पम् पूर्वोक्त एवं गुण विशेषण विशिष्टायां शुभ तिथौ श्री महालक्ष्मी अनुग्रहप्रसाद सिद्ध्यर्थं श्री महालक्ष्मी प्रीत्यर्थं श्री सूक्त विधानेन ध्यान आवाहनादि षोडशोपचार पूजां करिष्ये ॥ ध्यानम् या सा पद्मासनस्था विपुलकटितटी पद्मपत्रायताक्षी । गम्भीरा वर्तनाभिः स्तनभर नमिता शुभ्र वस्त्रोत्तरीया । लक्ष्मीर्दिव्यैर्गजेन्द्रैर्मणिगण खचितैस्स्नापिता हेमकुम्भैः । नित्यं सा पद्महस्ता मम वसतु गृहे सर्वमाङ्गल्ययुक्ता ॥ लक्ष्मीं क्षीरसमुद्रराजतनयां श्रीरङ्गधामेश्वरीम् । दासीभूतसमस्त देव वनितां लोकैक दीपाङ्कुराम् । श्रीमन्मन्दकटाक्षलब्ध विभव ब्रह्मेन्द्रगङ्गाधराम् । त्वां त्रैलोक्य कुटुम्बिनीं सरसिजां वन्दे मुकुन्दप्रियाम् ॥ सहस्रदलपद्मस्य कर्णिकावासिनीं पराम् । शरत्पार्वणकोटीन्दुप्रभाजुष्टकरां वराम् ॥ स्वतेजसा प्रज्वलन्तीं सुखदृश्यां मनोहराम् । प्रतप्तकाञ्चननिभां शोभां मूर्तिमतीं सतीम् । रत्नभूषणभूषाढ्यां शोभितां पीतवाससा । ईषद्धास्यप्रसन्नास्यां रम्यां सुस्थिरयौवनाम् ॥ सर्वसम्पत्प्रदात्रीं च महालक्ष्मीं भजे शुभाम् । ध्यानेनानेन तां ध्यात्वा चोपचारैः सुसम्युतः ॥ ॐ श्री महालक्ष्मै नमः ध्यायामि । १. आवाहनम् हिरण्यवर्णाम् हरिणीं सुवर्ण रजतस्रजाम् । चन्द्रां हिरण्मयीं लक्ष्मीं जातवेदो ममावह ॥ सहस्रदलपद्मस्थां स्वस्थां च सुमनोहराम् । शान्तां च श्रीहरेः कान्तां तां भजे जगतां प्रसूम् ॥ ॐ श्री महालक्ष्मै नमः आवाहयामि । २. आसनम् तां म आवह जातवेदो लक्ष्मीमनपगामिनीम् । यस्यां हिरण्यं विन्देयं गामश्वं पुरुषानहम् ॥ अमूल्यरत्नखचितं निर्मितं विश्वकर्मणा । आसनं च विचित्रं च महालक्ष्मि प्रगृह्यताम् ॥ ॐ श्री महालक्ष्मै नमः नवरत्नखचित सुवर्ण सिंहासनं समर्पयामि । ३. पाद्यम् अश्वपूर्वां रथमध्यां हस्तिनाद प्रबोधिनीम् । श्रियं देवीमुपह्वये श्रीर्मा देवी जुषताम् ॥ पुष्पचन्दनदूर्वादिसम्युतं जाह्नवीजलम् । शङ्खगर्भस्थितं शुद्धं गृह्यतां पद्मवासिनि ॥ ॐ श्री महालक्ष्मै नमः पादयोः पाद्यं समर्पयामि । ४. अर्घ्यम् कां सोस्मितां हिरण्यप्राकारामाद्रां ज्वलन्तीं तृप्तां तर्पयन्तीम् । पद्मे स्थितां पद्मवर्णां तामिहोपह्वये श्रियम् ॥ शुद्धं गङ्गोदकमिदं सर्ववन्दितमीप्सितम् । पापेध्मवह्निरूपं च गृह्यतां कमलालये ॥ ॐ श्री महालक्ष्मै नमः हस्तयोः अर्घ्यं समर्पयामि । ५. आचमनीयम् चन्द्रां प्रभासां यशसा ज्वलन्तीं श्रियं लोके देवजुष्टामुदाराम् । तां पद्मिनीim शरणमहं प्रपद्येऽलक्ष्मीर्मे नश्यतां त्वां वृणे ॥ पुण्यतीर्थोदकं चैव विशुद्धं शुद्धिदं सदा । गृह्यतां कृष्णकान्ते त्वं रम्यमाचमनीयकम् ॥ ॐ श्री महालक्ष्मै नमः मुखे आचमनीयं समर्पयामि । ६. मधुपर्कम् कापिलं दधि कुन्देन्दुधवलं मधुसम्युतम् । स्वर्णपात्रस्थितं देवि मधुपर्कं गृहाण भोः ॥ ॐ श्री महालक्ष्मै नमः मधुपर्कं समर्पयामि । ७. पञ्चामृत स्नानम् ॐ श्री महालक्ष्मै नमः पञ्चामृत स्नानं समर्पयामि । ८. शुद्धोदक स्नानम् आदित्यवर्णे तपसोऽधि जातो वनस्पतिस्तव वृक्षोऽथ बिल्वः । तस्य फलानि तपसा नुदन्तु मायान्तरायाश्च बाह्या अलक्ष्मीः ॥ पञ्चामृत समायुक्तं जाह्नवीसलिलं शुभम् । गृहाण विश्वजननि स्नानार्थं भक्तवत्सले ॥ ॐ श्री महालक्ष्मै नमः शुद्धोदक स्नानं समर्पयामि । स्नानानन्तरं शुद्ध आचमनीयं समर्पयामि । ९. वस्त्रम् उपैतु मां देवसखः कीर्तिश्च मणिना सह । प्रादुर्भूतोऽस्मि राष्ट्रेऽस्मिन् कीर्तिमृद्धिं ददातु मे ॥ देहसौन्दर्यबीजं च सदा शोभाविवर्धनम् । कार्पासजं च कृमिजं वसनं देवि गृह्यताम् ॥ ॐ श्री महालक्ष्मै नमः वस्त्रयुग्मं समर्पयामि । १०. व्यजनचामरम् क्षुत्पिपासामलां ज्येष्ठामलक्ष्मीर्नाशयाम्यहम् । अभूतिमसमृद्धिं च सर्वान् निर्णुद मे गृहात् ॥ शीतवायुप्रदं चैव दाहे च सुखदं परम् । कमले गृह्यतां चेदं व्यजनं श्वेतचामरम् ॥ ॐ श्री महालक्ष्मै नमः व्यजनचामरैर्वीजयामि । ११. गन्धादि परिमलद्रव्याणि गन्धद्वारां दुराधर्षां नित्यपुष्टां करीषिणीम् । ईश्वरीं सर्वभूतानां तामिहोपह्वये श्रियम् ॥ शुद्धिदं शुद्धिरूपं च सर्वमङ्गलमङ्गलम् । गन्धवस्तूद्भवं रम्यं गन्धं देवि प्रगृह्यताम् ॥ ॐ श्री महालक्ष्मै नमः श्रीगन्धं समर्पयामि । मलयाचलसम्भूतं वृक्षसारं मनोहरम् । सुगन्धियुक्तं सुखदं चन्दनं देवि गृह्यताम् ॥ ॐ श्री महालक्ष्मै नमः रक्तचन्दनं समर्पयामि । सिन्दूरं रक्तवर्णं च सिन्दूरतिलकप्रिये । भक्त्या दत्तं मया देवि सिन्दूरं प्रतिगृह्यताम् ॥ ॐ श्री महालक्ष्मै नमः सिन्दूरं समर्पयामि । कुङ्कुमं कामदं दिव्यं कुङ्कुमं कामरूपिणम् । अखण्डकामसौभाग्यं कुङ्कुमं प्रतिगृह्यताम् ॥ ॐ श्री महालक्ष्मै नमः कुङ्कुमं समर्पयामि । सुगन्धियुक्तं तैलं च सुगन्धामलकीजलम् । देहसौन्दर्यबीजं च गृह्यतां श्रीहरिप्रिये ॥ ॐ श्री महालक्ष्मै नमः सुगन्धि तैलं समर्पयामि । १२. आभरणम् मनसः काममाकूतिं वाचः सत्यमशीमहि । पशूनां रूपमन्नस्य मयि श्रीः श्रयतां यशः ॥ रत्नस्वर्णविकारं च देहसौख्यविवर्धनम् । शोभाधानं श्रीकरं च भूषणं प्रतिगृह्यताम् ॥ ॐ श्री महालक्ष्मै नमः आभरणानि समर्पयामि । १३. पुष्पमाला कर्दमेन प्रजाभूता मयि सम्भव कर्दम । श्रियं वासय मे कुले मातरं पद्ममालिनीम् ॥ नानाकुसुमनिर्माणं बहुशोभाप्रदं परम् । सुरलोकप्रियं शुद्धं माल्यं देवि प्रगृह्यताम् ॥ ॐ श्री महालक्ष्मै नमः पुष्पमालाम् समर्पयामि । १४. पुष्पाणि मन्दारपारिजातादीन्पाटलीं केतकीं तथा । मरुवामोगरं चैव गृहाणाशु नमोऽस्तु ते ॥ ॐ श्री महालक्ष्मै नमः पुष्पाणि समर्पयामि । १५. अथाङ्ग पूजा ॐ चपलायै नमः – पादौ पूजयामि । ॐ चञ्चलायै नमः – जानुनी पूजयामि । ॐ कमलायै नमः – कटिं पूजयामि । ॐ कात्यायन्यै नमः – नाभिं पूजयामि । ॐ जगन्मात्रे नमः – जठरं पूजयामि । ॐ विश्ववल्लभायै नमः – वक्षस्स्थलं पूजयामि । ॐ कमलवासिन्यै नमः – नेत्रत्रयं पूजयामि । ॐ श्रियै नमः – शिरः पूजयामि । ॐ महालक्ष्मै नमः – सर्वाण्यङ्गानि पूजयामि । १६. अष्ट सिद्धि एवं अष्टलक्ष्मी पूजनम् (पूर्वादिक्रमेणाष्टदिक्ष्वष्टसिद्धीः पूजयेत्) ॐ अणिम्ने नमः। ॐ महिम्ने नमः। ॐ गरिम्णे नमः। ॐ लघिम्ने नमः। ॐ प्राप्त्यै नमः। ॐ प्राकाम्यायै नमः। ॐ ईशितायै नमः। ॐ वशितायै नमः। (पूर्वादिक्रमेणाष्टलक्ष्मी पूजनम्) ॐ आद्यलक्ष्मै नमः। ॐ विद्यालक्ष्मै नमः। ॐ सौभाग्यलक्ष्मै नमः। ॐ अमृतलक्ष्मै नमः। ॐ कामलक्ष्मै नमः। ॐ सत्यलक्ष्मै नमः। ॐ भोगलक्ष्मै नमः। ॐ योगलक्ष्मै नमः। १७. अष्टोत्तरशतनाम पूजा श्री लक्ष्मी अष्टोत्तरशतनामावली पश्यतु । श्री महालक्ष्मी अष्टोत्तरशतनामावली पश्यतु । १८. धूपम् आपः सृजन्तु स्निग्धानि चिक्लीत वस मे गृहे । नि च देवीं मातरं श्रियं वासय मे कुले ॥ वृक्षनिर्यासरूपं च गन्धद्रव्यादिसम्युतम् । कृष्णकान्ते पवित्रो वै धूपोऽयं प्रतिगृह्यताम् ॥ ॐ श्री महालक्ष्मै नमः धूपं समर्पयामि । १९. दीपम् आर्द्रां पुष्करिणीं पुष्टिं पिङ्गलां पद्ममालिनीम् । चन्द्रां हिरण्मयीं लक्ष्मीं जातवेदो ममावह ॥ जगच्चक्षुः स्वरूपं च ध्वान्तप्रध्वंसकारणम् । प्रदीपं शुद्धरूपं च गृह्यतां परमेश्वरि ॥ ॐ श्री महालक्ष्मै नमः दीपं समर्पयामि । २०. नैवेद्यम् आर्द्रां यः करिणीं यष्टिं सुवर्णां हेममालिनीम् । सूर्यां हिरण्मयीं लक्ष्मीं जातवेदो ममावह ॥ नानोपहाररूपं च नानारससमन्वितम् । नानास्वादुकरं चैव नैवेद्यं प्रतिगृह्यताम् ॥ ॐ श्री महालक्ष्मै नमः नैवेद्यं समर्पयामि । (प्राणहुति:) ॐ भूर्भुवस्सुवः । तत्सवितुर्वरेण्यं भर्गो देवस्य धीमहि । धियो यो नः प्रचोदयात् ॥ सत्यं त्वा ऋतेन परिषिञ्चामि । (सायङ्काले – ऋतं त्वा सत्येन परिषिञ्चामि) अमृतमस्तु । अमृतोपस्तरणमसि । ॐ प्राणाय स्वाहा । ॐ अपानाय स्वाहा । ॐ व्यानाय स्वाहा । ॐ उदानाय स्वाहा । ॐ समानाय स्वाहा । मध्ये मध्ये पानीयं समर्पयामि । अमृतापिधानमसि । उत्तरापोशनं समर्पयामि । हस्तौ प्रक्षालयामि । पादौ प्रक्षालयामि । शुद्धाचमनीयं समर्पयामि । २१. आचमनम् शीतलं निर्मलं तोयं कर्पूरेण सुवासितम् । आचम्यतां मम जलं प्रसीद त्वं महेश्वरि ॥ ॐ श्री महालक्ष्मै नमः आचमनीयं समर्पयामि । २२. ताम्बूलम् तां म आवह जातवेदो लक्ष्मीमनपगामिनीम् । यस्यां हिरण्यं प्रभूतं गावो दास्योऽश्वान्विन्देयं पुरुषानहम् ॥ ताम्बूलं च वरं रम्यं कर्पूरादिसुवासितम् । जिह्वाजाड्यच्छेदकरं ताम्बूलं देवि गृह्यताम् ॥ ॐ श्री महालक्ष्मै नमः ताम्बूलं समर्पयामि । २३. फलम् नानाविधानि रम्याणि पक्वानि च फलानि तु । स्वादुरस्यानि कमले गृह्यतां फलदानि च ॥ ॐ श्री महालक्ष्मै नमः फलानि समर्पयामि । २४. दक्षिणाम् हिरण्यगर्भगर्भस्थं हेमबीजं विभावसोः । अनन्तपुण्यफलदं अतः शान्तिं प्रयच्छ मे ॥ ॐ श्री महालक्ष्मै नमः दक्षिणां समर्पयामि । २५. नीराजनम् सम्राजं च विराजं चाभिश्रीर्या च नो गृहे । लक्ष्मी राष्ट्रस्य या मुखे तया मा सं सृजामसि ॥ चक्षुर्दं सर्वलोकानां तिमिरस्य निवारणम् । आर्तिक्यं कल्पितं भक्त्या गृहाण परमेश्वरि । सन्तत श्रीरस्तु समस्त मङ्गलानि भवन्तु । नित्य श्रीरस्तु नित्यमङ्गलानि भवन्तु ॥ ॐ श्री महालक्ष्मै नमः नीराजनं समर्पयामि । नीराजनानन्तरं शुद्धाचमनीयं समर्पयामि । नमस्करोमि । २६. मन्त्रपुष्पम् ॥ श्रीसूक्तं पश्यतु ॥ ॐ महादेव्यै च विद्महे विष्णुपत्नी च धीमहि । तन्नो लक्ष्मीः प्रचोदयात् ॥ सद्भावपुष्पाण्यादाय सहजप्रेमरूपिणे । लोकमात्रे ददाम्यद्य प्रीत्या सङ्गृह्यतां सदा ॥ ॐ श्री महालक्ष्मै नमः मन्त्रपुष्पाञ्जलिं समर्पयामि । २७. प्रदक्षिणा नमस्कारम् यानि कानि च पापानि जन्मान्तरकृतानि च । तानि तानि प्रणश्यन्ति प्रदक्षिण पदे पदे । पापोऽहं पापकर्माऽहं पापात्मा पापसम्भव । त्राहिमां कृपया देवी शरणागतवत्सले । अन्यथा शरणं नास्ति त्वमेव शरणं मम । तस्मात्कारुण्य भावेन रक्ष मां परमेश्वरि ॥ उरसा शिरसा दृष्ट्या मनसा वचसा तथा । पद्भ्यां कराभ्यां कर्णाभ्यां प्रणामोऽष्टाङ्गमुच्यते ॥ ॐ श्री महालक्ष्मै नमः आत्मप्रदक्षिण साष्टाङ्ग नमस्कारान् समर्पयामि । साष्टाङ्ग नमस्कारम् उरसा शिरसा दृष्ट्या मनसा वचसा तथा । पद्भ्यां कराभ्यां कर्णाभ्यां प्रणामोऽष्टाङ्गमुच्यते ॥ ॐ श्री महालक्ष्मै नमः साष्टाङ्ग नमस्कारान् समर्पयामि । २८. सर्वोपचाराः ॐ श्री महालक्ष्मै नमः छत्रं आच्छादयामि । ॐ श्री महालक्ष्मै नमः चामरैर्वीजयामि । ॐ श्री महालक्ष्मै नमः नृत्यं दर्शयामि । ॐ श्री महालक्ष्मै नमः गीतं श्रावयामि । ॐ श्री महालक्ष्मै नमः आन्दोलिकान्नारोहयामि । ॐ श्री महालक्ष्मै नमः अश्वानारोहयामि । ॐ श्री महालक्ष्मै नमः गजानारोहयामि । समस्त राज्ञीयोपचारान् देव्योपचारान् समर्पयामि । यद्यद्द्रव्यमपूर्वं च पृथिव्यामतिदुर्लभम् । देवभूषाढ्यभोग्यं च तद्द्रव्यं देवि गृह्यताम् ॥ २९. प्रार्थना सुरासुरेन्द्रादिकिरीटमौक्तिकै- -र्युक्तं सदा यत्तवपाद कञ्जनम् । परावरं पातु वरं सुमङ्गलं नमामि भक्त्या तव कामसिद्धये ॥ भवानि त्वं महालक्ष्मि सर्वकामप्रदायिनी । सुपूजिता प्रसन्ना स्यान्महालक्ष्मै नमोऽस्तु ते ॥ नमस्ते सर्वदेवानां वरदासि हरिप्रिये । या गतिस्त्वत्प्रपन्नानां सा मे भूयात्त्वदर्चनात् ॥ ॐ श्री महालक्ष्मै नमः प्रार्थना नमस्कारान् समर्पयामि । ३०. दीप पूजनम् भो दीप त्वं ब्रह्मरूप अन्धकारनिवारक । इमां मया कृतां पूजां गृह्णंस्तेजः प्रवर्धय ॥ ॐ दीपाय नमः इति गन्धक्षतपुष्पैः सम्पूज्य श्रीमहालक्ष्म्यै निवेदयेत् । ३१. दीपमाला पूजनम् दीपावली मया दत्तं गृहाण त्वं सुरेश्वरि । आरार्तिकप्रदानेन ज्ञानदृष्टिप्रदा भव ॥ अग्निज्योती रविज्योतिश्चन्द्रज्योतिस्तथैव च । उत्तमः सर्वतेजस्तु दीपोऽयं प्रतिगृह्यताम् ॥ ॐ श्री महालक्ष्मै नमः आरार्तिकं समर्पयामि । ३२. दीपावलि रात्रि प्रार्थना नमस्ते सर्वदेवानां वरदाऽसि हरिप्रिये । या गतिस्त्वत्प्रपन्नानां सा मे भूयात्त्वदर्चनात् ॥ १ ॥ विश्वरूपस्य भार्याऽसि पद्मे पद्मालये शुभे । महालक्ष्मि नमस्तुभ्यं सुखरात्रिं कुरुष्व मे ॥ २ ॥ वर्षाकाले महाघोरे यन्मया दुष्कृतं कृतम् । सुखरात्रिः प्रभातेऽद्य तन्मेऽलक्ष्मीं व्यपोहतु ॥ ३ ॥ या रात्रिः सर्वभूतानां या च देवेष्ववस्थिता । संवत्सरप्रिया या च सा ममास्तु सुमङ्गलम् ॥ ४ ॥ माता त्वं सर्वभूतानां देवानां सृष्टिसम्भवाम् । आख्याता भूतले देवि सुखरात्रि नमोऽस्तु ते ॥ ५ ॥ दामोदरि नमस्तेऽस्तु नमस्त्रैलोक्यमातृके । नमस्तेऽस्तु महालक्ष्मि त्राहि मां परमेश्वरि ॥ ६ ॥ शङ्खचक्रगदाहस्ते शुभ्रवर्णे शुभानने । मह्यमिष्टवरं देहि सर्विसिद्धिप्रदायिनि ॥ ७ ॥ नमस्तेऽस्तु महालक्ष्मि महासौख्यप्रदायिनि । सर्वदा देहि मे द्रव्यं दानाय भुक्तिहेतवे ॥ ८ ॥ धनं धान्यं धरां हर्षं कीर्तिमायुर्यशः श्रियः । तुरगान् दन्तिनः पुत्रान् महालक्ष्मि प्रयच्छ मे ॥ ९ ॥ यन्मया वाञ्छितं देवि तत्सर्वं सफलं कुरु । न बाधन्तां कुकर्माणि सङ्कटान्मे निवारय ॥ १० ॥ न्यूनं वाऽप्यतुलं वापि यन्मया मोहितं कृतम् । सर्वं तदस्तु सम्पूर्णं त्वत्प्रसादान्महेश्वरि ॥ ११ ॥ ३३. क्षमा प्रार्थना यस्य स्मृत्याच नामोक्त्या तपः पूजा क्रियादिषु । न्यूनं सम्पूर्णतां याति सद्योवन्दे तमच्युतम् ॥ मन्त्रहीनं क्रियाहीनं भक्तिहीनं महेश्वरी । यत्पूजितं मयादेवी परिपूर्णं तदस्तुते ॥ अनया श्रीसूक्त विधान पूर्वक ध्यान आवाहनादि षोडशोपचार पूजया भगवती सर्वात्मिका श्री महालक्ष्मी देवता सुप्रीता सुप्रसन्ना वरदा भवन्तु ॥ ३४. तीर्थप्रसाद ग्रहणम् अकालमृत्यहरणं सर्वव्याधिनिवारणम् । समस्तपापक्षयकरं श्री महालक्ष्मी पादोदकं पावनं शुभम् ॥ श्री महालक्ष्मै नमः प्रसादं शिरसा गृह्णामि । ॐ शान्तिः शान्तिः शान्तिः ।