Navagraha Beeja Mantras – नवग्रह बीज मन्त्राः

॥ नवग्रह बीज मन्त्राः ॥ ॥ सङ्ख्या पाठः ॥ रवेः सप्तसहस्राणि चन्द्रस्यैकादश स्मृताः । भौमे दशसहस्राणि बुधे चाष्टसहस्रकम् । एकोनविंशतिर्जीवे भृगोर्नृपसहस्रकम् । त्रयोविंशतिः सौरेश्च राहोरष्टादश स्मृताः । केतोः सप्तसहस्राणि जपसङ्ख्याः प्रकीर्तिताः ॥ १ ॥ सङ्ख्या निर्णयं ॥ कल्पोक्तैव कृते सङ्ख्या त्रेतायां द्विगुणा भवेत् । द्वापरे त्रिगुणा प्रोक्ता कलौ सङ्ख्या चतुर्गुणा ॥ २ (इति वैशम्पायनसंहितावचनम्) ॥ जप पद्धतिः ॥ आचम्य । प्राणानायम्य । देशकालौ सङ्कीर्त्य । गणपति स्मरणं कृत्वा । पुनः सङ्कल्पं – अद्य पूर्वोक्त एवं गुणविशेषण विशिष्ठायां शुभतिथौ मम _____ ग्रहपीडापरिहारार्थं _____ ग्रहदेवता प्रसाद द्वारा आयुरारोग्य ऐश्वर्यादि उत्तमफलावाप्त्यर्थं मम सङ्कल्पित मनोवाञ्छाफलसिद्ध्यर्थं यथासङ्ख्यकं _____ ग्रहस्य बीजमन्त्र जपं करिष्ये ॥ ॥ १. सूर्यः (Surya) ॥ ध्यानम् – पद्मासनः पद्मकरो द्विबाहुः पद्मद्युतिः सप्ततुरङ्गवाहः । दिवाकरो लोकगुरुः किरीटी मयि प्रसादं विदधातु देवः ॥ पञ्चपूजा – लं पृथिव्यात्मने गन्धं परिकल्पयामि । हं आकाशात्मने पुष्पं परिकल्पयामि । यं वाय्वात्मने धूपं परिकल्पयामि । रं अग्न्यात्मने दीपं परिकल्पयामि । वं अमृतात्मने नैवेद्यं परिकल्पयामि । सं सर्वात्मने सर्वोपचारान् परिकल्पयामि । बीजमन्त्रः – ओं ह्रां ह्रीं ह्रौं सः सूर्याय नमः । ॥ २. चन्द्रः (Chandra) ॥ ध्यानम् – श्वेताम्बरः श्वेतवपुः किरीटी श्वेतद्युतिर्दण्डधरो द्विबाहुः । चन्द्रोऽमृतात्मा वरदः किरीटी श्रेयांसि मह्यं विदधातु देवः ॥ बीजमन्त्रः – ओं श्रां श्रीं श्रौं सः चन्द्राय नमः । ॥ ३. भौमः (Mangal) ॥ ध्यानम् – रक्ताम्बरो रक्तवपुः किरीटी चतुर्भुजो मेषगमो गदाभृत् । धरासुतः शक्तिधरश्च शूली सदा मम स्याद्वरदः प्रशान्तः ॥ बीजमन्त्रः – ओं क्रां क्रीं क्रौं सः भौमाय नमः । ॥ ४. बुधः (Budh) ॥ ध्यानम् – पीताम्बरः पीतवपुः किरीटी चतुर्भुजो दण्डधरश्च सौम्यः । चर्मासिधृत् सोमसुतः सु मेरुः सिंहाधिरूढो वरदो बुधोऽस्तु ॥ बीजमन्त्रः – ओं ब्रां ब्रीं ब्रौं सः बुधाय नमः । ॥ ५. बृहस्पतिः (Guru) ॥ ध्यानम् – स्वर्णाम्बरः स्वर्णवपुः किरीटी चतुर्भुजो देवगुरुः प्रशान्तः । दधाति दण्डं च कमण्डलुं च तथाऽक्षसूत्रं वरदोऽस्तु मह्यम् ॥ बीजमन्त्रः – ओं ग्रां ग्रीं ग्रौं सः गुरवे नमः । ॥ ६. शुक्रः (Shukra) ॥ ध्यानम् – श्वेताम्बरः श्वेतवपुः किरीटी चतुर्भुजो दैत्यगुरुः प्रशान्तः । तथासि दण्डं च कमण्डलुं च तथाक्षसूत्राद्वरदोऽस्तु मह्यम् ॥ बीजमन्त्रः – ओं द्रां द्रीं द्रौं सः शुक्राय नमः । ॥ ७. शनिः (Shani) ॥ ध्यानम् – नीलद्युतिः नीलवपुः किरीटी गृध्रस्थितश्चापकरो धनुष्मान् । चतुर्भुजः सूर्यसुतः प्रशान्तः सदास्तु मह्यं वरमन्दगामी ॥ बीजमन्त्रः – ओं प्रां प्रीं प्रौं सः शनैश्चराय नमः । ॥ ८. राहुः (Rahu) ॥ ध्यानम् – नीलाम्बरो नीलवपुः किरीटी करालवक्त्रः करवालशूली । चतुर्भुजश्चर्मधरश्च राहुः सिंहाधिरूढो वरदोऽस्तु मह्यम् ॥ बीजमन्त्रः – ओं भ्रां भ्रीं भ्रौं सः राहवे नमः । ॥ ९. केतुः (Ketu) ॥ ध्यानम् – धूम्रो द्विबाहुर्वरदो गदाभृ- -द्गृध्रासनस्थो विकृताननश्च । किरीटकेयूरविभूषिताङ्गः सदास्तु मे केतुगणः प्रशान्तः ॥ बीजमन्त्रः – ओं स्रां स्रीं स्रौं सः केतवे नमः । ॥ समर्पणम् ॥ गुह्याति गुह्य गोप्ता त्वं गृहाणास्मत्कृतं जपम् । सिद्धिर्भवतु मे देव त्वत्प्रसादान्मयि स्थिर ॥ अनेन मया कृत ____ ग्रहस्य मन्त्रजपेन ____ सुप्रीतो सुप्रसन्नो वरदो भवन्तु । ओं शान्तिः शान्तिः शान्तिः । ॥ इति नवग्रह बीज मन्त्राः सम्पूर्णम् ॥