Sri Bala Muktavali Stotram – श्री बाला मुक्तावली स्तोत्रम् (विष्णुयामल)

॥ श्री बाला मुक्तावली स्तोत्रम् ॥ (श्रीविष्णुयामले) ॥ बालार्क कोटि कान्ति ॥ बालार्ककोटिरुचिरां कोटिब्रह्माण्डभूषिताम् । कन्दर्पकोटिलावण्यां बालां वन्दे शिवप्रियाम् ॥ १ ॥ ॥ वह्नि कोटि प्रभा ॥ वह्निकोटिप्रभां सूक्ष्मां कोटिकोटिसहेलिनीम् । वरदां रक्तवर्णां च बालां वन्दे सनातनीम् ॥ २ ॥ ॥ ज्ञानरत्नाकर ॥ ज्ञानरत्नाकरां भीमां परब्रह्मावतारिणीम् । पञ्चप्रेतासनगतां बालां वन्दे गुहाशयाम् ॥ ३ ॥ ॥ पशुपाश छेदिनी ॥ पराप्रासादमूर्ध्निस्थां पवित्रां पात्रधारिणीम् । पशुपाशच्छिदां तीक्ष्णां बालां वन्दे शिवासनाम् ॥ ४ ॥ ॥ गिरिजा ज्ञानदायिनी ॥ गिरिजां गिरिमध्यस्थां गीः रूपां ज्ञानदायिनीम् । गुह्यतत्त्वपरां चाद्यां बालां वन्दे पुरातनीम् ॥ ५ ॥ ॥ चन्द्र कोटि शीतला ॥ बौद्धकोटिसुसौन्दर्यां चन्द्रकोटिसुशीतलाम् । आशावासां परां देवीं वन्दे बालां कपर्दिनीम् ॥ ६ ॥ ॥ कालग्रसन सामर्थ्या ॥ सृष्टिस्थित्यन्तकारिणीं त्रिगुणात्मकरूपिणीम् । कालग्रसनसामर्थ्यां बालां वन्दे फलप्रदाम् ॥ ७ ॥ ॥ जीवात्म विश्वजननी ॥ यज्ञनाशीं यज्ञदेहां यज्ञकर्मशुभप्रदाम् । जीवात्मविश्वजननीं बालां वन्दे परात्पराम् ॥ ८ ॥ ॥ फलश्रुतिः — मुक्तावली नाम ॥ इत्येतत्परमं गुह्यं नाम्ना मुक्तावलीस्तवम् । ये पठन्ति महेशानि फलं वक्तुं न शक्यते ॥ ९ ॥ ॥ गुह्याद्गुह्यतरं — विद्या-धन प्राप्ति ॥ गुह्याद्गुह्यतरं गुह्यं महागुह्यं वरानने । विद्यार्थी लभते विद्यां धनार्थी लभते धनम् ॥ १० ॥ ॥ चिन्तामणि तुल्य — कन्या-मोक्ष प्राप्ति ॥ कन्यार्थी लभते कन्यां मोक्षार्थी मोक्षमाप्नुयात् । बहुनात्र किमुक्तेन चिन्तामणिरिवापरम् ॥ ११ ॥ ॥ गोपनीय वचन ॥ गोपनीयं प्रयत्नेन गोपनीयं न संशयः । अन्येभ्यो नैव दातव्यं किमन्यच्छ्रोतुमिच्छसि ॥ १२ ॥ ॥ इति श्रीविष्णुयामले श्री बाला मुक्तावली स्तोत्रम् सम्पूर्णम् ॥