Dakaradi Sri Datta Sahasranama Stotram – दकारादि श्री दत्त सहस्रनाम स्तोत्रम्

॥ दकारादि श्री दत्त सहस्रनाम स्तोत्रम् ॥ ॥ स्तोत्रम् ॥ ओं दत्तात्रेयो दयापूर्णो दत्तो दत्तकधर्मकृत् । दत्ताभयो दत्तधैर्यो दत्तारामो दरार्दनः ॥ १ ॥ दवो दवघ्नो दकदो दकपो दकदाधिपः । दकवासी दकधरो दकशायी दकप्रियः ॥ २ ॥ दत्तात्मा दत्तसर्वस्वो दत्तभद्रो दयाघनः । दर्पको दर्पकरुचिर्दर्पकातिशयाकृतिः ॥ ३ ॥ दर्पकी दर्पककलाभिज्ञो दर्पकपूजितः । दर्पकोनो दर्पकोक्षवेगहृद्दर्पकार्दनः ॥ ४ ॥ दर्पकाक्षीड् दर्पकाक्षीपूजितो दर्पकाधिभूः । दर्पकोपरमो दर्पमाली दर्पकदर्पकः ॥ ५ ॥ दर्पहा दर्पदो दर्पत्यागी दर्पातिगो दमी । दर्भधृग्दर्भकृद्दर्भी दर्भस्थो दर्भपीठगः ॥ ६ ॥ दनुप्रियो दनुस्तुत्यो दनुजात्मजमोहहृत् । दनुजघ्नो दनुजजिद्दनुजश्रीविभञ्जनः ॥ ७ ॥ दमो दमीड् दमकरो दमिवन्द्यो दमिप्रियः । दमादियोगविद्दम्यो दम्यलीलो दमात्मकः ॥ ८ ॥ दमार्थी दमसम्पन्नलभ्यो दमनपूजितः । दमदो दमसम्भाव्यो दममूलो दमीष्टदः ॥ ९ ॥ दमितो दमिताक्षश्च दमितेन्द्रियवल्लभः । दमूना दमुनाभश्च दमदेवो दमालयः ॥ १० ॥ दयाकरो दयामूलो दयावश्यो दयाव्रतः । दयावान् दयनीयेशो दयितो दयितप्रियः ॥ ११ ॥ दयनीयानसूयाभूर्दयनीयात्रिनन्दनः । दयनीयप्रियकरो दयात्मा च दयानिधिः ॥ १२ ॥ दयार्द्रो दयिताश्वत्थो दयाश्लिष्टो दयाघनः । दयाविष्टो दयाभीष्टो दयाप्तो दयनीयदृक् ॥ १३ ॥ दयावृतो दयापूर्णो दयायुक्तान्तरस्थितः । दयालुर्दयनीयेक्षो दयासिन्धुर्दयोदयः ॥ १४ ॥ दरद्रावितवातश्च दरद्रावितभास्करः । दरद्रावितवह्निश्च दरद्रावितवासवः ॥ १५ ॥ दरद्रावितमृत्युश्च दरद्रावितचन्द्रमाः । दरद्रावितभूतौघो दरद्रावितदैवतः ॥ १६ ॥ दरास्त्रधृग्दरदरो दराक्षो दरहेतुकः । दरदूरो दरातीतो दरमूलो दरप्रियः ॥ १७ ॥ दरवाद्यो दरदवो दरधृग्दरवल्लभः । दक्षिणावर्तदरपो दरोदस्नानतत्परः ॥ १८ ॥ दरप्रियो दस्रवन्द्यो दस्रेष्टो दस्रदैवतः । दरकण्ठो दराभश्च दरहन्ता दरानुगः ॥ १९ ॥ दररावद्रावितारिर्दररावार्दितासुरः । दररावमहामन्त्रो दररावार्पितधीर्दरीट् ॥ २० ॥ दरधृग्दरवासी च दरशायी दरासनः । दरकृद्दरहृच्चापि दरगर्भो दरातिगः ॥ २१ ॥ दरिद्रपो दरिद्री च दरिद्रजनशेवधिः । दरीचरो दरीसंस्थो दरीक्रीडो दरीप्रियः ॥ २२ ॥ दरीलभ्यो दरीदेवो दरीकेतनहृत्स्थितिः । दरार्तिहृद्दलनकृद्दलप्रीतिर्दलोदरः ॥ २३ ॥ दलादर्ष्यनुग्राही च दलादनसुपूजितः । दलादगीतमहिमा दलादलहरीप्रियः ॥ २४ ॥ दलाशनो दलचतुष्टयचक्रगतो दली । द्वित्र्यस्रपद्मगतिविद्दशास्राज्जीवभेदकः ॥ २५ ॥ द्विषड्दलाब्जभेत्ता च द्व्यष्टास्राब्जविभेदकः । द्विदलस्थो दशशतपत्रपद्मगतिप्रदः ॥ २६ ॥ द्व्यक्षरावृत्तिकृद्द्व्यक्षो दशास्यवरदर्पहा । दवप्रियो दवचरो दवशायी दवालयः ॥ २७ ॥ दवीयान् दववक्त्रश्च दविष्ठायनपारकृत् । दवमाली दवदवो दवदोषनिशातनः ॥ २८ ॥ दवसाक्षी दवत्राणो दवारामो दवस्थगः । दशहेतुर्दशातीतो दशाधारो दशाकृतिः ॥ २९ ॥ दशषड्बन्धसंविद्धो दशषड्बन्धभेदनः । दशाप्रदो दशाभिज्ञो दशासाक्षी दशाहरः ॥ ३० ॥ दशायुधो दशमहाविद्यार्च्यो दशपञ्चदृक् । दशलक्षणलक्ष्यात्मा दशषड्वाक्यलक्षितः ॥ ३१ ॥ दर्दुरव्रातविहितध्वनिज्ञापितवृष्टिकः । दशपालो दशबलो दशेन्द्रियविहारकृत् ॥ ३२ ॥ दशेन्द्रियगणाध्यक्षो दशेन्द्रियदृगूर्ध्वगः । दशएकगुणगम्यश्च दशेन्द्रियमलापहा ॥ ३३ ॥ दशेन्द्रियप्रेरकश्च दशेन्द्रियनिबोधनः । दशएकमाममेयश्च दशएकगुणचालकः ॥ ३४ ॥ दशभूर्दर्शनाभिज्ञो दर्शनादर्शितात्मकः । दशाश्वमेधतीर्थेष्टो दशास्यरथचालकः ॥ ३५ ॥ दशास्यगर्वहर्ता च दशास्यपुरभञ्जनः । दशास्यकुलविध्वंसी दशास्यानुजपूजितः ॥ ३६ ॥ दर्शनप्रीतिदो दर्शयजनो दर्शनादरः । दर्शनीयो दशबलपक्षभिच्च दशार्तिहा ॥ ३७ ॥ दशातिगो दशाशापो दशग्रन्थविशारदः । दशप्राणविहारी च दशप्राणगतिर्दृशिः ॥ ३८ ॥ दशाङ्गुलाधिकात्मा च दाशार्हो दशषट्सुभुक् । दशप्रागाद्यङ्गुलीककरनम्रद्विडन्तकः ॥ ३९ ॥ दशब्राह्मणभेदज्ञो दशब्राह्मणभेदकृत् । दशब्राह्मणसम्पूज्यो दशनार्तिनिवारणः ॥ ४० ॥ दोषज्ञो दोषदो दोषाधिपबन्धुर्द्विषद्धरः । दोषएकदृक्पक्षघाती दष्टसर्पार्तिशामकः ॥ ४१ ॥ दधिक्राश्च दधिक्रावगामी दध्यङ्मुनीष्टदः । दधिप्रियो दधिस्नातो दधिपो दधिसिन्धुगः ॥ ४२ ॥ दधिभो दधिलिप्ताङ्गो दध्यक्षतविभूषणः । दधिद्रप्सप्रियो दभ्रवेद्यविज्ञातविग्रहः ॥ ४३ ॥ दहनो दहनाधारो दहरो दहरालयः । दह्रदृग्दहराकाशो दहराच्छादनान्तकः ॥ ४४ ॥ दग्धभ्रमो दग्धकामो दग्धार्तिर्दग्धमत्सरः । दग्धभेदो दग्धमदो दग्धाधिर्दग्धवासनः ॥ ४५ ॥ दग्धारिष्टो दग्धकष्टो दग्धार्तिर्दग्धदुष्क्रियः । दग्धासुरपुरो दग्धभुवनो दग्धसत्क्रियः ॥ ४६ ॥ दक्षो दक्षाध्वरध्वंसी दक्षपो दक्षपूजितः । दाक्षिणात्यार्चितपदो दाक्षिणात्यसुभावगः ॥ ४७ ॥ दक्षिणाशो दक्षिणेशो दक्षिणासादिताध्वरः । दक्षिणार्पितसल्लोको दक्षवामादिवर्जितः ॥ ४८ ॥ दक्षिणोत्तरमार्गज्ञो दक्षिण्यो दक्षिणार्हकः । द्रुमाश्रयो druमावासो द्रुमशायी द्रुमप्रियः ॥ ४९ ॥ द्रुमजन्मप्रदो द्रुस्थो द्रुरूपभवशातनः । द्रुमत्वगम्बरो द्रोणो द्रोणीस्थो द्रोणपूजितः ॥ ५० ॥ द्रुघणी द्रुद्यणास्त्रश्च द्रुशिष्यो द्रुधर्मधृक् । द्रविणार्थो द्रविणदो द्रावणो द्राविडप्रियः ॥ ५१ ॥ द्रावितप्रणताघो द्राक्फलो द्राक्केन्द्रमार्गवित् । द्राघीय आयुर्दधानो द्राघीयान् द्राक्प्रसादकृत् ॥ ५२ ॥ द्रुततोषो द्रुतगतिव्यतीतो द्रुतभोजनः । द्रुफलाशी द्रुदलभुग्दृषद्वत्याप्लवादरः ॥ ५३ ॥ द्रुपदेड्यो द्रुतमतिर्द्रुतीकरणकोविदः । द्रुतप्रमोदो द्रुतिदृग्द्रुतिक्रीडाविचक्षणः ॥ ५४ ॥ दृढो दृढाकृतिर्दार्ढ्यो दृढसत्त्वो दृढव्रतः । दृढच्युतो दृढबलो दृढार्थासक्तिदारणः ॥ ५५ ॥ दृढधीर्दृढभक्तिदृग्दृढभक्तिवरप्रदः । दृढदृग्दृढभक्तिज्ञो दृढभक्तो दृढाश्रयः ॥ ५६ ॥ दृढदण्डो दृढयमो दृढप्रदो दृढाङ्गकृत् । दृढकायो दृढध्यानो दृढाभ्यासो दृढासनः ॥ ५७ ॥ दृग्दो दृग्दोषहरणो दृष्टिद्वन्द्वविराजितः । दृक्पूर्वो दृङ्मनोऽतीतो दृक्पूतगमनो दृगीट् ॥ ५८ ॥ दृगिष्टो दृष्ट्यविषमो दृष्टिहेतुर्दृषत्तनुः । दृग्लभ्यो दृक्त्रययुतो दृग्बाहुल्यविराजितः ॥ ५९ ॥ द्युपतिर्द्युपदृग्द्युस्थो द्युमणिर्द्युप्रवर्तकः । द्युदेहो द्युगमो द्युस्थो द्युभूर्द्युर्द्युलयो द्युमान् ॥ ६० ॥ द्युनिड्गति द्युति द्यूनस्थानदोषहरो द्युभुक् । द्यूतकृद्द्यूतहृद्द्यूतदोषहृद्द्यूतदूरगः ॥ ६१ ॥ दृप्तो दृप्तार्दनो द्योस्थो द्योपालो द्योनिवासकृत् । द्रावितारिर्द्राविताल्पमृत्युर्द्रावितरैतवः ॥ ६२ ॥ द्यावाभूमिसन्धिदर्शी द्यावाभूमिधरो द्युदृक् । द्योतकृद्द्योतहृद्द्योती द्योताक्षो द्योतदीपनः ॥ ६३ ॥ द्योतमूलो द्योतितात्मा द्योतोद्यौर्द्योतिताखिलः । द्वयवादिमतद्वेषी द्वयवादिमतान्तकः ॥ ६४ ॥ द्वयवादिजयी दीक्षाद्वयवादिनिवृन्तनः । द्व्यष्टवर्षवया द्व्यष्टनृपवन्द्यो द्विषट्क्रियः ॥ ६५ ॥ द्विषत्कलानिधिर्द्वीपिचर्मधृग्द्व्यष्टजातिकृत् । द्व्यष्टउपचारदयितो द्व्यष्टस्वरतनुर्द्विभित् ॥ ६६ ॥ द्व्यक्षराख्यो द्व्यष्टकोटिस्वजपीष्टार्थपूरकः । द्विपाद्द्व्यात्मा द्विगुर्द्वीशो द्व्यतीतो द्विप्रकाशकः ॥ ६७ ॥ द्वैतीभूतात्मको द्वैतीभूतचिद्द्वैधशामकः । द्विसप्तभुवनाधारो द्विसप्तभुवनेश्वरः ॥ ६८ ॥ द्विसप्तभुवनान्तस्थो द्विसप्तभुवनात्मकः । द्विसप्तलोककर्ता द्विसप्तलोकाधिपो द्विषः ॥ ६९ ॥ द्विसप्तविद्याभिज्ञो द्विसप्तविद्याप्रकाशकः । द्विसप्तविद्याविभवो द्विसप्तेन्द्रपदप्रदः ॥ ७० ॥ द्विसप्तमनुमान्यश्च द्विसप्तमनुपूजितः । द्विसप्तमनुदेवो द्विसप्तमन्वन्तरर्थिकृत् ॥ ७१ ॥ द्विचत्वारिंशदुद्धर्ता द्विचत्वारिकलास्तुतः । द्विस्तनीगोरसास्पृग्द्विहायनीपालको द्विभुक् ॥ ७२ ॥ द्विसृष्टिर्द्विविधो द्वीड्यो द्विपथो द्विजधर्मकृत् । द्विजो द्विजातिमान्यश्च द्विजदेवो द्विजातिकृत् ॥ ७३ ॥ द्विजप्रेष्ठो द्विजश्रेष्ठो द्विजराजसुभूषणः । द्विजराजाग्रजो द्विड्द्वीड्द्विजाननसुभोजनः ॥ ७४ ॥ द्विजास्यो द्विजभक्तो द्विजातभृद्द्विजसत्कृतः । द्विविधो द्व्यावृतिर्द्वन्द्ववारणो द्विमुखाधनः ॥ ७५ ॥ द्विजपालो द्विजगुरुर्द्विजराजासनो द्विपात् । द्विजिह्वसूत्रो द्विजिह्वफणच्छत्रो द्विजिह्वभृत् ॥ ७६ ॥ द्वादशात्मा द्वापरदृग्द्वादशादित्यरूपकः । द्वादशीशो द्वादशारचक्रदृग्द्वादशाक्षरः ॥ ७७ ॥ द्वादशीपारणो द्वादच्चर्यो द्वादशषड्बलः । द्वासप्ततिसहस्राङ्गनाडीगतिविचक्षणः ॥ ७८ ॥ द्वन्द्वदो द्वन्द्वदो द्वन्द्वबीभत्सो द्वन्द्वतापनः । द्वन्द्वार्तिहृद्द्वन्द्वसहो द्वया द्वन्द्वातिगो द्विगः ॥ ७९ ॥ द्वारदो द्वारविद्द्वा(र)स्थो द्वारधृग्द्वारिकाप्रियः । द्वारकृद्द्वारगो द्वारनिर्गमक्रममुक्तिदः ॥ ८० ॥ द्वारभृद्द्वारनवकगतिसंस्कृतिदर्शकः । द्वैमातुरो द्वैतहीनो द्वैतारण्यविनोदनः ॥ ८१ ॥ द्वैतास्पृग्द्वैतगो द्वैताद्वैतमार्गविशारदः । दाता दातृप्रियो दावो दारुणो दारदाशनः ॥ ८२ ॥ दानदो दारुवसतिर्दास्यज्ञो दाससेवितः । दानप्रियो दानतोषो दानज्ञो दानविग्रहः ॥ ८३ ॥ दास्यप्रियो दासपालो दास्यदो दासतोषणः । दावोष्णहृद्दान्तसेव्यो दान्तज्ञो दान्तवल्लभः ॥ ८४ ॥ दातदोषो दातकेशो दावचारी च दावपः । दायकृद्दायभुग्दारस्वीकारविधिदर्शकः ॥ ८५ ॥ दारमान्यो दारहीनो दारमेधिसुपूजितः । दानवान् दानवारातिर्दानवाभिजनान्तकः ॥ ८६ ॥ दामोदरो दामकरो दारस्नेहात्तचेतनः । दर्वीलेपो दारमोहो दारिकाकौतुकान्वितः ॥ ८७ ॥ दारिकादोद्धारकश्च दातदारुकसारथिः । दाहकृद्दाहशान्तिज्ञो दाक्षायण्यधिदैवतः ॥ ८८ ॥ द्राम्बीजो द्रांमनुर्दान्तशान्तोपरतवीक्षितः । दिव्यकृद्दिव्यविद्दिव्यो दिविस्पृग्दिविजार्थतः ॥ ९९ ॥ दिक्पो दिक्पतिपो दिग्विद्दिगन्तरलुठद्यशः । दिग्दर्शनकरो दिष्टो दिष्टात्मा दिष्टभावनः ॥ ९० ॥ दृष्टो दृष्टान्तदो दृष्टातिगो दृष्टान्तवर्जितः । दिष्टं दिष्टपरिच्छेदहीनो दिष्टनियामकः ॥ ९१ ॥ दिष्टास्पृष्टगतिर्दिष्टेड्दिष्टकृद्दिष्टचालकः । दिष्टदाता दिष्टहन्ता दुर्दिष्टफलशामकः ॥ ९२ ॥ दिष्टव्याप्तजगद्दिष्टशंसको दिष्टयत्नवान् । दितिप्रियो दितिस्तुत्यो दितिपूज्यो दितीष्टदः ॥ ९३ ॥ दितिपाखण्डदावो दिग्दिनचर्यापरायणः । दिगम्बरो दिव्यकान्तिर्दिव्यगन्धोऽपि दिव्यभुक् ॥ ९४ ॥ दिव्यभावो दीदिविकृद्दोषहृद्दीप्तलोचनः । दीर्घजीवी दीर्घदृष्टिर्दीर्घाङ्गो दीर्घबाहुकः ॥ ९५ ॥ दीर्घश्रवा दीर्घगतिर्दीर्घवक्षाश्च दीर्घपात् । दीनसेव्यो दीनबन्धुर्दीनपो दीपितान्तरः ॥ ९६ ॥ दीनोद्धर्ता दीप्तकान्तिर्दीप्रक्षुरसमायनः । दीव्यद्दीक्षितसम्पूज्यो दीक्षादो दीक्षितोत्तमः ॥ ९७ ॥ दीक्षणीयेष्टिकृद्दीक्षाऽदीक्षाद्वयविचक्षणः । दीक्षाशी दीक्षितान्नाशी दीक्षाकृद्दीक्षितादरः ॥ ९८ ॥ दीक्षितार्थ्यो दीक्षिताद्यो दीक्षिताभीष्टपूरकः । दीक्षापटुर्दीक्षितात्मा दीद्यद्दीक्षितगर्वहृत् ॥ ९९ ॥ दुष्कर्महा दुष्कृतज्ञो दुष्कृद्दुष्कृतिपावनः । दुष्कृत्साक्षी दुष्कृतहृद्दुष्कृद्धा दुष्कृदार्तिदः ॥ १०० ॥ दुष्क्रियान्तो दुष्करकृद्दुष्क्रियाघनिवारकः । दुष्कुलत्याजको दुष्कृत्पावनो दुष्कुलान्तकः ॥ १०१ ॥ दुष्कुलाषुहरो दुष्कृद्गतिदो दुष्करक्रियः । दुष्कलङ्कविनाशी दुष्कोपो दुष्कण्टकार्दनः ॥ १०२ ॥ दुष्कारी दुष्करतपा दुःखदो दुःखहेतुकः । दुःखत्रयहरो दुःखत्रयदो दुःखदुःखदः ॥ १०३ ॥ दुःखत्रयार्तिविद्दुःखिपूजितो दुःखशामकः । दुःखहीनो दुःखहीनभक्तो दुःखविशोधनः ॥ १०४ ॥ दुःखकृद्दुःखदमनो दुःखितारिश्च दुःखनुत् । दुःखातिगो दुःखलहा दुःखेटार्तिनिवारणः ॥ १०५ ॥ दुःखेटदृष्टिदोषघ्नो दुःखगारिष्टनाशकः । दुःखेचरदशार्तिघ्नो दुष्टखेटानुकूल्यकृत् ॥ १०६ ॥ दुःखोदर्काच्छादको दुःखोदर्कगतिसूचकः । दुःखोदर्कार्थसन्त्यागी दुःखोदर्कार्थदोषदृक् ॥ १०७ ॥ दुर्गा दुर्गार्तिहृद्दुर्गी दुर्गेशो दुर्गसंस्थितः । दुर्गमो दुर्गमगतिर्दुर्गारामश्च दुर्गभूः ॥ १०८ ॥ दुर्गानवकसम्पूज्यो दुर्गानवकसंस्तुतः । दुर्गभिद्दुर्गतिर्दुर्गमार्गगो दुर्गमार्थदः ॥ १०९ ॥ दुर्गतिघ्नो दुर्गतिदो दुर्ग्रहो दुर्ग्रहार्तिहृत् । दुर्ग्रहावेशहृद्दुष्टग्रहनिग्रहकारकः ॥ ११० ॥ दुर्ग्रहोच्चाटको दुष्टग्रहजिद्दुर्गमादरः । दुर्दृष्टिबाधाशमनो दुर्दृष्टिभयहापकः ॥ १११ ॥ दुर्गुणो दुर्गुणातीतो दुर्गुणातीतवल्लभः । दुर्गन्धनाशो दुर्घातो दुर्घटो दुर्घटक्रियः ॥ ११२ ॥ दुश्चर्यो दुश्चरित्रारिर्दुश्चिकित्स्यगदान्तकः । दुश्चित्ताह्लादको दुश्चिच्छास्ता दुश्चेष्टशिक्षकः ॥ ११३ ॥ दुश्चिन्ताशमनो दुश्चिद्दुश्छन्दविनिवर्तकः । दुर्जयो दुर्जरो दुर्जिज्जयी दुर्जेयचित्तजित् ॥ ११४ ॥ दुर्जाप्यहर्ता दुर्वार्ताशान्तिर्दुर्जातिदोषहृत् । दुर्जनारिर्दुश्चवनो दुर्जनप्रान्तहापकः ॥ ११५ ॥ दुर्जनार्तो दुर्जनार्तिहरो दुर्जलदोषहृत् । दुर्जीवहा दुष्टहन्ता दुष्टार्तपरिपालकः ॥ ११६ ॥ दुष्टविद्रावणो दुष्टमार्गभिद्दुष्टसङ्गहृत् । दुर्जीवहत्यासन्तोषो दुर्जनाननकीलनः ॥ ११७ ॥ दुर्जीववैरहृद्दुष्टोच्चाटको दुस्तरोद्धरः । दुष्टदण्डो दुष्टखण्डो दुष्टधृ८दुष्टमुण्डनः ॥ ११८ ॥ दुष्टभावोपशमनो दुष्टविद्दुष्टशोधनः । दुस्तर्कहृद्दुस्तर्कारिर्दुस्तापपरिशान्तिकृत् ॥ ११९ ॥ दुर्दैवहृद्दुन्दुभिघ्नो दुन्दुभ्याघातहर्षकृत् । दुर्धीहरो दुर्नयहृद्दुःपक्षिध्वनिदोषहृत् ॥ १२० ॥ दुष्प्रयोगोपशमनो दुष्प्रतिग्रहदोषहृत् । दुर्बलाप्तो दुर्बोधात्मा दुर्बन्धच्छिद्दुरत्ययः ॥ १२१ ॥ दुर्बाधाहृद्दुर्भयहृद्दुर्भ्रदोपशमात्मकः । दुर्भिक्षहृद्दुर्यशोहृद्दुरुत्पातोपशामकः ॥ १२२ ॥ दुर्मन्त्रयन्त्रतन्त्रच्छिद्दुर्मित्रपरितापनः । दुर्योगहृद्दुराधर्षो दुराराध्यो दुरासदः ॥ १२३ ॥ दुरत्ययस्वमायाब्धितारको दुरवग्रहः । दुर्लभो दुर्लभतमो दुरालापाघशामकः ॥ १२४ ॥ दुर्नामहृद्दुराचारपावनो दुरपोहनः । दुराश्रमाघहृद्दुर्गपथलभ्यचिदात्मकः ॥ १२५ ॥ दुरध्वपारदो दुर्भुक्पावनो दुरितार्तिहा । दुराश्लेषाघहर्ता दुर्मैथुनएनोनिबर्हणः ॥ १२६ ॥ दुरामयान्तो दुर्वैरहर्ता दुर्व्यसनान्तकृत् । दुःसहो दुःशकुनहृद्दुःशीलपरिवर्तनः ॥ १२७ ॥ दुःशोकहृद्दुःशङ्काहृद्दुःसङ्गभयवारणः । दुःसहाभो दुःसहदृ८दुःस्वप्नभयनाशनः ॥ १२८ ॥ दुःसङ्गदोषसञ्जातदुर्मनीषाविशोधनः । दुःसङ्गिपापदहनो दुःक्षणाघनिवर्तनः ॥ १२९ ॥ दुःक्षेत्रपावनो दुःक्षुद्भयहृद्दुःक्षयार्तिहृत् । दुःक्षत्रहृच्च दुर्ज्ञेयो दुर्ज्ञानपरिशोधनः ॥ १३० ॥ दूतो दूतेरको दूतप्रियो दूरश्च दूरदृक् । दूनचित्ताह्लादकश्च दूर्वाभो दूष्यपावनः ॥ १३१ ॥ देदीप्यमाननयनो देवो देदीप्यमानभः । देदीप्यमानरदनो देश्यो देदीप्यमानधीः ॥ १३२ ॥ देवेष्टो देवगो देवी देवता देवतार्चितः । देवमातृप्रियो देवपालको देववर्धकः ॥ १३३ ॥ देवमान्यो देववन्द्यो देवलोकप्रियंवदः । देवारिष्टहरो देवाभीष्टदो देवतात्मकः ॥ १३४ ॥ देवभक्तप्रियो देवहोता देवकुलादृतः । देवतन्तुर्देवसंसद्देवद्रोहिसुशिक्षकः ॥ १३५ ॥ देवात्मको देवमयो देवपूर्वश्च देवभूः । देवमार्गप्रदो देवशिक्षको देवगर्वहृत् ॥ १३६ ॥ देवमार्गान्तरायघ्नो देवयज्ञादिधर्मधृक् । देवपक्षी देवसाक्षी देवदेवेशभास्करः ॥ १३७ ॥ देवारातिहरो देवदूतो दैवतदैवतः । देवभीतिहरो देवगेयो देवहविर्भुजः ॥ १३८ ॥ देवश्राव्यो देवदृश्यो देवर्णी देवभोग्यभुक् । देवीशो देव्यभीष्टार्थो देवीड्यो देव्यभीष्टकृत् ॥ १३९ ॥ देवीप्रियो देवकीजो देशिको देशिकार्चितः । देशिकेड्यो देशिकात्मा देवमातृकदेशपः ॥ १४० ॥ देहकृद्देहधृ८देही देहगो देहभावनः । देहपो देहदो देहचतुष्टयविहारकृत् ॥ १४१ ॥ देहीतिप्रार्थनीयश्च देहबीजनिकृन्तनः । देवनास्पृ८देवनकृद्देहास्पृ८देहभावनः ॥ १४२ ॥ देवदत्तो देवदेवो देहातीतोऽपि देहभृत् । देहदेवालयो देहासङ्गो देहरथेष्टगः ॥ १४३ ॥ देहधर्मा देहकर्मा देहसम्बन्धपालकः । देयात्मा देयविद्देशापरिच्छिन्नश्च देशकृत् ॥ १४४ ॥ देशपो देशवान् देशी देशज्ञो देशिकागमः । देशभाषापरिज्ञानी देशभूर्देशपावनः ॥ १४५ ॥ देशयपूज्यो देवकृतोपसर्गनिवर्तकः । दिविषद्विहितावर्षातिवृष्ट्यादीतिशामकः ॥ १४६ ॥ दैवीगायत्रिकाजापी दैवसम्पत्तिपालकः । दैवीसम्पत्तिसम्पन्नमुक्तिकृद्दैवभावगः ॥ १४७ ॥ दैवसम्पत्त्यसम्पन्नछायास्पृ८दैत्यभावहृत् । दैवदो दैवफलदो दैवादित्रिक्रियेश्वरः ॥ १४८ ॥ दैवानुमोदनो दैन्यहरो दैवज्ञदेवतः । दैवज्ञो दैववित्पूज्यो दैविको दैन्यकारणः ॥ १४९ ॥ दैन्याञ्जनहृतस्तम्भो दोषत्रयशमप्रदः । दोषहर्ता दैवभिष८दोषदो दोर्द्वयान्वितः ॥ १५० ॥ दोषज्ञो दोहदाशंसी दोग्धा दोष्यन्तितोषितः । दौरात्म्यदूरो दौरात्म्यहृ८दौरात्म्यार्तिशान्तिकृत् ॥ १५१ ॥ दौरात्म्यदोषसंहर्ता दौरात्म्यपरिशोधनः । दौर्मनस्यहरो दौत्यकृ८दौत्योपास्तशक्तिकः ॥ १५२ ॥ दौर्भाग्यदोऽपि दौर्भाग्यहृ८दौर्भाग्यार्तिशान्तिकृत् । दौष्ट्यत्र्यो दौष्कुल्यदोषहृ८दौष्कुल्याधिशामकः ॥ १५३ ॥ दन्दशूकपरिष्कारो दन्दशूककृतायुधः । दन्तिचर्मपरिधानो दन्तुरो दन्तुरारिहृत् । दन्तुरघ्नो दण्डधारी दण्डनीतिप्रकाशकः । दाम्पत्यार्थप्रदो दम्पत्यर्च्यो दम्पत्यभीष्टदः ॥ १५५ ॥ दम्पतिद्वेषशमनो दम्पतिप्रीतिवर्धनः । दन्तोलूखलको दंष्ट्री दन्त्यास्यो दन्तिपूर्वगः ॥ १५६ ॥ दम्भोलिभृ८दम्भहर्ता दण्डयवि८दंशवारणः । दन्द्रम्यमाणशरणो दन्त्यश्वरथपत्तिदः ॥ १५७ ॥ दन्द्रम्यमाणलोकार्तिकरो दण्डत्रयाश्रितः । दण्डपाण्यर्चपद्दण्डिवासुदेवस्तुतोऽवतु ॥ १५८ ॥ ॥ फलश्रुति ॥ इति श्रीमद्दकारादि दत्तनामसहस्रकम् । पठतां शृण्वतां वाऽपि परानन्दपदप्रदम् ॥ १५९ ॥ ॥ इति श्रीपरमहंस परिव्राजकाचार्य श्रीवासुदेवानन्दसरस्वती विरचितं दकारादि श्री दत्त सहस्रनाम स्तोत्रम् सम्पूर्णम् ॥