पूर्वोक्त एवं गुण विशेषण विशिष्टायां शुभतिथौ मम सङ्कल्पित मनोवाञ्छाफल सिद्ध्यर्थं इष्टकाम्यार्थ सिद्ध्यर्थं श्रीमदाञ्जनेय स्वामि देवता प्रीत्यर्थं यथाशक्ति षोडशोपचार पूजां करिष्ये ॥

अतुलितबलधामं स्वर्णशैलाभदेहं दनुजवनकृशानुं ज्ञानिनामग्रगण्यम् । सकलगुणनिधानं वानराणामधीशं रघुपतिप्रियभक्तं वातजातं नमामि ॥ गोष्पदीकृतवारीशं मशकीकृतराक्षसम् । रामायणमहामालारत्नं वन्देऽनिलात्मजम् ॥
ओं श्री हनुमते नमः ध्यायामि ।

रामचन्द्रपदाम्भोजयुगल स्थिरमासनम् । आवाहयामि वरदं हनूमन्तमभीष्टदम् ॥
ओं श्री हनुमते नमः आवाहयामि ।

नवरत्ननिबद्धाश्रं चतुरश्रं सुशोभनम् । सौवर्णमासनं तुभ्यं दास्यामि कपिनायक ॥
ओं श्री हनुमते नमः सिंहासनं समर्पयामि ।

सुवर्णकलशानीतं गङ्गादि सलिलैर्युतम् । पादयोः पाद्यमनघं प्रतिगृह्य प्रसीद मे ॥
ओं श्री हनुमते नमः पादयोः पाद्यं समर्पयामि ।

लक्ष्मणप्राणसंरक्ष सीताशोकविनाशन । गृहाणार्घ्यं मया दत्तं अञ्जनाप्रियनन्दन ॥
ओं श्री हनुमते नमः हस्तयोः अर्घ्यं समर्पयामि ।

वालाग्रसेतुबन्धाय शताननवधाय च । तुभ्यमाचमनं दत्तं प्रतिगृह्णीष्व मारुते ॥
ओं श्री हनुमते नमः मुखे आचमनीयं समर्पयामि ।

अर्जुनध्वजसंवास दशाननमदापह । मधुपर्कं प्रदास्यामि हनुमन् प्रतिगृह्यताम् ॥
ओं श्री हनुमते नमः मधुपर्कं समर्पयामि ।

गङ्गादिसर्वतीर्थेभ्यः समानीतैर्नवोदकैः । भवन्तं स्नपयिष्यामि कपिनायक गृह्यताम् ॥
ओं श्री हनुमते नमः शुद्धोदक स्नानं समर्पयामि ।
स्नानानन्तरं शुद्ध आचमनीयं समर्पयामि । (स्नान के बाद आचमन करें)

पीताम्बरमिदं तुभ्यं तप्तहाटकसन्निभम् । दास्यामि वानरश्रेष्ठ सङ्गृहाण नमोऽस्तु ते ॥ उत्तरीयं तु दास्यामि संसारोत्तारकारण । गृहाण च मया प्रीत्या दत्तं धत्स्व यथाविधि ॥
ओं श्री हनुमते नमः वस्त्रयुग्मं समर्पयामि ।

नवभिस्तन्तुभिर्युक्तं त्रिगुणं देवतामयम् । उपवीतं चोत्तरीयं गृहाण रामकिङ्कर ॥
ओं श्री हनुमते नमः यज्ञोपवीतं समर्पयामि ।

कस्तूरीकुङ्कुमामिश्रं कर्पूरागरुवासितम् । श्रीचन्दनं तु दास्यामि गृह्यतां हनुमत्प्रभो ॥
ओं श्री हनुमते नमः दिव्य श्रीचन्दनं समर्पयामि ।

भूषणानि महार्हाणि किरीटप्रमुखान्यहम् । तुभ्यं दास्यामि सर्वेश गृहाण कपिनायक ॥
ओं श्री हनुमते नमः सर्वाभरणानि समर्पयामि ।

शालीयानक्षतान् रम्यान् पद्मरागसमप्रभान् । अखण्डान् खण्डितध्वान्त स्वीकुरुष्व दयानिधे ॥
ओं श्री हनुमते नमः अक्षतान् समर्पयामि ।

सुगन्धीनि सुरूपाणि वन्यानि विविधानि च । चम्पकादीनि पुष्पाणि कमलान्युत्पलानि च ॥ तुलसीदल बिल्वानि मनसा कल्पितानि च । गृहाण हनुमद्देव प्रणतोऽस्मि पदाम्बुजे ॥
ओं श्री हनुमते नमः नानाविध परिमल पत्र पुष्पाणि समर्पयामि ।

ओं मारुतये नमः – पादौ पूजयामि । ओं सुग्रीवसखाय नमः – गुल्फौ पूजयामि । ओं अङ्गदमित्राय नमः – जङ्घे पूजयामि । ओं रामदासाय नमः – ऊरू पूजयामि । ओं अक्षघ्नाय नमः – कटिं पूजयामि । ओं लङ्कादहनाय नमः – वालं पूजयामि । ओं सञ्जीवननगाहर्त्रे नमः – स्कन्धौ पूजयामि । ओं सौमित्रिप्राणदात्रे नमः – वक्षःस्थलं पूजयामि । ओं कुण्ठितदशकण्ठाय नमः – कण्ठं पूजयामि । ओं रामाभिषेककारिणे नमः – हस्तौ पूजयामि । ओं मन्त्ररचितरामायणाय नमः – वक्त्रं पूजयामि । ओं प्रसन्नवदनाय नमः – वदनं पूजयामि । ओं पिङ्गलनेत्राय नमः – नेत्रौ पूजयामि । ओं श्रुतिपरायणाय नमः – श्रोत्रे पूजयामि । ओं ऊर्ध्वपुण्ड्रधारिणे नमः – ललाटं पूजयामि । ओं मणिकण्ठमालिकाय नमः – शिरः पूजयामि । ओं सर्वाभीष्टप्रदाय नमः – सर्वाण्यङ्गनि पूजयामि ।

श्री आञ्जनेय अष्टोत्तरशतनामावली पश्यतु ॥

दिव्यं सगुग्गुलं रम्यं दशाङ्गेन समन्वितम् । गृहाण मारुते धूपं सुप्रियं घ्राणतत्परम् ॥
ओं श्री हनुमते नमः धूपं आघ्रापयामि ।

साज्यं त्रिवर्ति सम्युक्तं वह्निना योजितं मया । गृहाण मङ्गलं दीपं त्रैलोक्य तिमिरापहम् ॥ सुप्रकाशो महादीपः सर्वतस्तिमिरापहः । सबाह्याभ्यन्तरं ज्योतिर्दीपोऽयं प्रतिगृह्यताम् ॥
ओं श्री हनुमते नमः दीपं दर्शयामि ।

मणिपात्र सहस्राढ्यं दिव्यान्नं घृतपायसं आपूपलड्डूकोपेतं मधुराम्रफलैर्युतम् । हिङ्गू जीरक सम्युक्तं षड्रसोपेतमुत्तमं नैवेद्यमर्पयाम्यद्य गृहाणेदं कपीश्वर ॥
ओं श्री हनुमते नमः गुड पयस नैवेद्यं समर्पयामि ।

ओं भूर्भुवस्सुव: । तत्सवितुर्वरेण्यं भर्गो देवस्य धीमहि । धियो यो न: प्रचोदयात् ॥

सत्यं त्वा ऋतेन परिषिञ्चामि । (सायङ्काले – ऋतं त्वा सत्येन परिषिञ्चामि) अमृतमस्तु । अमृतोपस्तरणमसि । ओं प्राणाय स्वाहा । ओं अपानाय स्वाहा । ओं व्यानाय स्वाहा । ओं उदानाय स्वाहा । ओं समानाय स्वाहा । मध्ये मध्ये पानीयं समर्पयामि । अमृतापिधानमसि । उत्तरापोशनं समर्पयामि । हस्तौ प्रक्षालयामि । पादौ प्रक्षालयामि । शुद्धाचमनीयं समर्पयामि ।

नागवल्लीदलोपेतं क्रमुकैर्मधुरैर्युतम् । ताम्बूलमर्पयाम्यद्य कर्पूरादि सुवासितम् ॥
ओं श्री हनुमते नमः ताम्बूलं समर्पयामि ।

आरार्तिकं तमोहारि शतसूर्य समप्रभम् । अर्पयामि तव प्रीत्यै अन्धकार निषूदनम् ॥
ओं श्री हनुमते नमः कर्पूर नीराजनं समर्पयामि ।
नीराजनानन्तरं शुद्धाचमनीयं समर्पयामि । नमस्करोमि ।

ओं आञ्जनेयाय विद्महे वायुपुत्राय धीमहि तन्नो हनुमत् प्रचोदयात् ॥
ओं श्री हनुमते नमः मन्त्रपुष्पं समर्पयामि ।

यानि कानि च पापानि जन्मान्तरकृतानि च । तानि तानि प्रणश्यन्ति प्रदक्षिण पदे पदे ॥ पापोऽहं पापकर्माऽहं पापात्मा पापसम्भव । त्राहि मां कृपया देव शरणागतवत्सल ॥ अन्यथा शरणं नास्ति त्वमेव शरणं मम । तस्मात्कारुण्य भावेन रक्ष रक्ष कपीश्वर ॥
ओं श्री हनुमते नमः आत्मप्रदक्षिण नमस्कारान् समर्पयामि ।

ओं श्री हनुमते नमः छत्रं आच्छादयामि । ओं श्री हनुमते नमः चामरैर्वीजयामि । ओं श्री हनुमते नमः नृत्यं दर्शयामि । ओं श्री हनुमते नमः गीतं श्रावयामि । ओं श्री हनुमते नमः आन्दोलिकानारोहयामि । ओं श्री हनुमते नमः अश्वानारोहयामि । ओं श्री हनुमते नमः गजानारोहयामि ।
समस्त राजोपचारान् देवोपचारान् समर्पयामि ।

मनोजवं मारुततुल्यवेगं जितेन्द्रियं बुद्धिमतां वरिष्ठम् । वातात्मजं वानरयूथमुख्यं श्रीरामदूतं शिरसा नमामि ॥ १ ॥ आञ्जनेयमतिपाटलाननं काञ्चनाद्रिकमनीयविग्रहम् । पारिजाततरुमूलवासिनं भावयामि पवमाननन्दनम् ॥ २ ॥ मर्कटेश महोत्साह सर्वसिद्धिप्रदायक । शत्रून् संहर मां रक्ष श्रियं दापय मे प्रभो ॥ ३ ॥

अपराध सहस्राणि क्रियन्तेऽहर्निशं मया । दासोऽयमिति मां मत्वा क्षमस्व कपिनायक ॥ आवाहनं न जानामि न जानामि विसर्जनम् । पूजाविधिं न जानामि क्षमस्व वानरोत्तम ॥ मन्त्रहीनं क्रियाहीनं भक्तिहीनं कपीश्वर । यत्पूजितं मया देव परिपूर्णं तदस्तु ते ॥
अनया ध्यान आवाहनादि षोडशोपचार पूजया भगवान् सर्वात्मकः श्रीमदाञ्जनेय स्वामि सुप्रीता सुप्रसन्ना वरदा भवन्तु ॥

अकालमृत्यहरणं सर्वव्याधिनिवारणम् । समस्त पापक्षयकरं श्रीआञ्जनेय पादोदकं पावनं शुभम् ॥
श्री आञ्जनेयाय नमः प्रसादं शिरसा गृह्णामि ।

॥ ओं शान्तिः शान्तिः शान्तिः ॥ ॥ श्रीहनुमदर्पणमस्तु ॥