Sri Bagala Pratyangira Kavacham – श्री बगला प्रत्यङ्गिरा कवचम्

॥ श्री बगला प्रत्यङ्गिरा कवचम् ॥ विनियोगः अस्य श्री बगला प्रत्यङ्गिरा मन्त्रस्य नारद ऋषिः, त्रिष्टुप् छन्दः, प्रत्यङ्गिरा देवता, ह्लीं बीजं, हूं शक्तिः, ह्रीं कीलकं, मम शत्रुनाशने विनियोगः ॥ मन्त्रः ॐ प्रत्यङ्गिरायै नमः । प्रत्यङ्गिरे सकल कामान् साधय मम रक्षां कुरु कुरु, सर्वान् शत्रून् खादय खादय, मारय मारय, घातय घातय, ॐ ह्रीं फट् स्वाहा ॥ कवचम् भ्रामिणी स्तम्भिनी देवी क्षोभिणी मोहिनी तथा । संहारिणी द्राविणी च जृम्भिणी रौद्ररूपिणी ॥ १ ॥ इत्यष्टौ शक्तयो देवि शत्रुपक्षे नियोजिताः । धारयेत् कण्ठदेशे च सर्वशत्रुविनाशिनी ॥ २ ॥ अष्ट शक्ति मन्त्रः ॐ ह्रीं भ्रामिणी मम शत्रून् भ्रामय भ्रामय ॐ ह्रीं स्वाहा । ॐ ह्रीं स्तम्भिनी मम शत्रून् स्तम्भय स्तम्भय ॐ ह्रीं स्वाहा । ॐ ह्रीं क्षोभिणी मम शत्रून् क्षोभय क्षोभय ॐ ह्रीं स्वाहा । ॐ ह्रीं मोहिनी मम शत्रून् मोहय मोहय ॐ ह्रीं स्वाहा । ॐ ह्रीं संहारिणी मम शत्रून् संहारय संहारय ॐ ह्रीं स्वाहा । ॐ ह्रीं द्राविणी मम शत्रून् द्रावय द्रावय ॐ ह्रीं स्वाहा । ॐ ह्रीं जृम्भिणी मम शत्रून् जृम्भय जृम्भय ॐ ह्रीं स्वाहा । ॐ ह्रीं रौद्री मम शत्रून् सन्तापय सन्तापय ॐ ह्रीं स्वाहा ॥ ३ ॥ फलश्रुतिः इयं विद्या महाविद्या सर्वशत्रुनिवारिणी । धारिता साधकेन्द्रेण सर्वान् दुष्टान् विनाशयेत् ॥ ४ ॥ त्रिसन्ध्यमेकसन्ध्यं वा यः पठेत् स्थिरमानसः । न तस्य दुर्लभं लोके कल्पवृक्ष इव स्थितः ॥ ५ ॥ यं यं स्पृशति हस्तेन यं यं पश्यति चक्षुषा । स एव दासतां याति सारात्सारामिमं मनुम् ॥ ६ ॥ ॥ इति श्रीरुद्रयामले शिवपार्वतिसंवादे श्री बगला प्रत्यङ्गिरा कवचम् सम्पूर्णम् ॥