Sri Tripura Bhairavi Hrudayam – श्री त्रिपुरभैरवी हृदयम्

॥ श्री त्रिपुरभैरवी हृदयम् ॥ ॥ विनियोगः ॥ ॐ अस्य श्रीत्रिपुरभैरवीहृदयस्तोत्रमन्त्रस्य श्रीदक्षिणामूर्तिऋषिः, पङ्क्तिश्छन्दः, श्रीत्रिपुरभैरवी देवता, ह्रीं बीजम्, स्वाहा शक्तिः, ॐ कीलकम्, मम श्रीत्रिपुरभैरवीप्रीत्यर्थे जपे (पाठे) विनियोगः ॥ ॥ ऋष्यादि न्यासः ॥ श्रीदक्षिणामूर्तिऋषये नमः शिरसि । पङ्क्तिश्छन्दसे नमः मुखे । श्रीत्रिपुरभैरवीदेवतायै नमः हृदि । ह्रीं बीजाय नमः गुह्ये । स्वाहा शक्तये नमः पादयोः । ॐ कीलकाय नमः नाभौ । विनियोगाय नमः सर्वाङ्गे ॥ ॥ करन्यासः ॥ ॐ ह्रां अङ्गुष्ठाभ्यां नमः । ॐ ह्रीं तर्जनीभ्यां नमः । ॐ ह्रूं मध्यमाभ्यां नमः । ॐ ह्रैं अनामिकाभ्यां नमः । ॐ ह्रौं कनिष्ठिकाभ्यां नमः । ॐ ह्रः करतलकरपृष्ठाभ्यां नमः ॥ ॥ ध्यानम् ॥ उद्यद्भानुसहस्राभां रक्तमाल्याम्बरधराम् । रक्तचन्दनलिप्ताङ्गीं रक्तपुष्पोपशोभिताम् ॥ पुस्तकं जपमालां च वरं चाभयमेव च । दधतीं वरदां देवीं त्रिपुरभैरवीं भजे ॥ ॥ स्तोत्रम् ॥ श्रीदेव्युवाच भगवन् सर्वधर्मज्ञ सर्वशास्त्रविशारद । त्रिपुरभैरवीदेव्याः हृदयं ब्रूहि शङ्कर ॥ १ ॥ यत्पुण्यं यद्रहस्यं च यत्सारं तत्त्वमुत्तमम् । तदहं श्रोतुमिच्छामि कृपया कथय प्रभो ॥ २ ॥ श्रीशिव उवाच शृणु देवि प्रवक्ष्यामि हृदयं परमाद्भुतम् । त्रिपुरभैरवीदेव्याः सर्वकामफलप्रदम् ॥ ३ ॥ गोपनीयं प्रयत्नेन न देयं यस्य कस्यचित् । तव स्नेहात्प्रवक्ष्यामि सावधानमनाः शृणु ॥ ४ ॥ चिदग्निकुण्डसम्भूता देवकार्यसमुद्यता । भक्तानामार्तिहन्त्री च त्रिपुरभैरवी नमोऽस्तु ते ॥ ५ ॥ ब्रह्मादिदेवपूज्या त्वं सर्वशक्तिस्वरूपिणी । सर्वसिद्धिप्रदा देवी त्रिपुरभैरवी नमोऽस्तु ते ॥ ६ ॥ ह्रींकारासनमध्यस्था ह्रींकारबीजरूपिणी । ह्रींकारमन्त्रसिद्धा च त्रिपुरभैरवी नमोऽस्तु ते ॥ ७ ॥ ऐं क्लीं सौः बीजरूपा च त्रिपुरापरमेश्वरी । सुन्दरी ललिता गौरी त्रिपुरभैरवी नमोऽस्तु ते ॥ ८ ॥ वाग्भवा कामराजा च शक्तिबीजसमन्विता । वाक्सिद्धिं कुरू मे देवि त्रिपुरभैरवी नमोऽस्तु ते ॥ ९ ॥ धनं धान्यं यशो देहि सौभाग्यं पुत्रसम्पदम् । आयुरारोग्यमैश्वर्यं त्रिपुरभैरवी नमोऽस्तु ते ॥ १० ॥ शत्रून् नाशय देवेशि भीतिं छिन्धि महेश्वरि । सर्वत्र विजयं देहि त्रिपुरभैरवी नमोऽस्तु ते ॥ ११ ॥ इदं हि हृदयं दिव्यं त्रिपुरभैरवीतोषणम् । यः पठेत्प्रातरुत्थाय स भवेत्सर्वसिद्धिभाक् ॥ १२ ॥ न तस्य जायते भीतिः कुत्रचिदपि भूतले । राजद्वारे श्मशाने च अरण्ये प्रान्तरे तथा ॥ १३ ॥ वाक्सिद्धिं लभते सोऽपि कवित्वं च सुदुर्लभम् । धनधान्यसमृद्धिं च लभते नात्र संशयः ॥ १४ ॥ अष्टम्यां च चतुर्दश्यां नवम्यां च विशेषतः । पूजयित्वा जपेद्यस्तु तस्य सिद्धिः करे स्थिता ॥ १५ ॥ इति ते कथितं देवि हृदयं परमाद्भुतम् । त्रिपुरभैरवीदेव्याः साधकानामभीष्टदम् ॥ १६ ॥ ॥ इति श्रीरुद्रयामले पार्वतीश्वरसंवादे श्रीत्रिपुरभैरवीहृदयस्तोत्रं सम्पूर्णम् ॥