श्री गणेश सूक्तम् - ऋग्वेदीय (Sri Ganesha Suktam - Rigvediya)

॥ श्री गणेश सूक्‍तम्‌ (ऋग्वेदीय) ॥ आ तू न इन्द्र क्षुमन्तं चित्र ग्राभ सं गृभाय । महाहस्ती दक्षिणेन ॥ १ ॥ विद्या हि त्वा तुविकूर्मि तुविदेष्णं तुवीमघम्‌ । तुविमात्रमवोभिः ॥ २ ॥ नहि त्वा शूर देवा न मर्तासो दित्सन्तम्‌ । भीमं न गां वारयन्ते ॥ ३ ॥ एतो न्विन्द्रं स्तवामेशानं वस्वः स्वराजम्‌ । न राधसा मधिषन्नः ॥ ४ ॥ प्र स्तोषदुप गासिषच्छुवत्साम गीयमानं । अभि राधसा जुगुरत्‌ ॥ ५ ॥ आ ना भर दक्षिणेनाभि सब्येन प्र मृश । इन्द्र मा नो वसोर्निर्भाक्‌ ॥ ६ ॥ उप क्रमस्वा भर धृषता धृष्णो जनानां । अदाशूष्टरस्य वेदः ॥ ७ ॥ इन्द्र य उ नु ते अस्ति वाजो विप्रेभि सनित्वः । अस्माभिः सु तं सनुहि ॥ ८ ॥ सद्योजुवस्ते वाजा अस्मभ्यं विश्वश्वन्द्राः । वशैश्व मश्षू जरन्ते ॥ ९ ॥ ॐ गणानां त्वा गणपतिं हवामहे कविं कविनामुपम श्रवस्तमम्‌ । ज्येष्ठ राजं ब्रह्मणां ब्रह्मणस्पत आ नः श्रृण्वन्नूतिभिः सीद सादनम्‌ ॥ १० ॥ नि षु सीद गणपते गणेषु त्वामाहुर्विप्रंतमं कवीनाम्‌ । न ऋते त्वत्क्रियते किं चनारे महामर्कं मघवञ्चित्रमर्च ॥ ११ ॥ अभिख्यानो मघवन्नाधमानान्त्सखे बोधि वसुपते सखीनाम्‌ । रणं कृधि रणकृत्सत्यशुष्माभक्ते चिदा भजा राये अस्मान्‌ ॥ १२ ॥ ॐ शांतिः शांतिः शान्तिः ॥