Sri Dhana Lakshmi Stotram – The 'Daridra Dalana' (Poverty Destroyer) Hymn

॥ श्री गणेशाय नमः ॥ ॥ श्री धनलक्ष्मी स्तोत्रम् ॥ १. प्रस्तावना (Dialogue of Shiva & Parvati) श्रीधनदा उवाच । देवी देवमुपागम्य नीलकण्ठं मम प्रियम् । कृपया पार्वती प्राह शङ्करं करुणाकरम् ॥ १ ॥ श्रीदेव्युवाच । ब्रूहि वल्लभ साधूनां दरिद्राणां कुटुम्बिनाम् । दरिद्रदलनोपायमञ्जसैव धनप्रदम् ॥ २ ॥ श्रीशिव उवाच । पूजयन् पार्वतीवाक्यमिदमाह महेश्वरः । उचितं जगदम्बासि तव भूतानुकम्पया ॥ ३ ॥ २. श्रीराम वंदना (Invocation of Lord Rama) स सीतं सानुजं रामं साञ्जनेयं सहानुगम् । प्रणम्य परमानन्दं वक्ष्येऽहं स्तोत्रमुत्तमम् ॥ ४ ॥ धनदं श्रद्धधानानां सद्यः सुलभकारकम् । योगक्षेमकरं सत्यं सत्यमेव वचो मम ॥ ५ ॥ ३. फलश्रुति - संकल्प (The Promise) पठन्तः पाठयन्तोऽपि ब्राह्मणैरास्तिकोत्तमैः । धनलाभो भवेदाशु नाशमेति दरिद्रता ॥ ६ ॥ ४. मूल स्तोत्र आरम्भ (Main Stotra Begins) भूभवांशभवां भूत्यै भक्तिकल्पलतां शुभाम् । प्रार्थयेत्तां यथाकामं कामधेनुस्वरूपिणीम् ॥ ७ ॥ धनदे धनदे देवि दानशीले दयाकरे । त्वं प्रसीद महेशानि यदर्थं प्रार्थयाम्यहम् ॥ ८ ॥ धराऽमरप्रिये पुण्ये धन्ये धनदपूजिते । सुधनं धार्मिके देहि यजमानाय सत्वरम् ॥ ९ ॥ रम्ये रुद्रप्रिये रूपे रामरूपे रतिप्रिये । शिखीसखमनोमूर्ते प्रसीद प्रणते मयि ॥ १० ॥ ५. देवी का स्वरूप (Radiant Form of Devi) आरक्तचरणाम्भोजे सिद्धिसर्वार्थदायिके । दिव्याम्बरधरे दिव्ये दिव्यमाल्यानुशोभिते ॥ ११ ॥ समस्तगुणसम्पन्ने सर्वलक्षणलक्षिते । शरच्चन्द्रमुखे नीले नीलनीरजलोचने ॥ १२ ॥ चञ्चरीक चमू चारु श्रीहार कुटिलालके । मत्ते भगवती मातः कलकण्ठरवामृते ॥ १३ ॥ ६. करुणा और कृपा (Compassion & Grace) हासाऽवलोकनैर्दिव्यैर्भक्तचिन्तापहारिके । रूप लावण्य तारूण्य कारूण्य गुणभाजने ॥ १४ ॥ क्वणत्कङ्कणमञ्जीरे लसल्लीलाकराम्बुजे । रुद्रप्रकाशिते तत्त्वे धर्माधारे धरालये ॥ १५ ॥ ७. धन याचना (Prayer for Wealth) प्रयच्छ यजमानाय धनं धर्मैकसाधनम् । मातस्त्वं मेऽविलम्बेन दिशस्व जगदम्बिके ॥ १६ ॥ कृपया करुणागारे प्रार्थितं कुरु मे शुभे । वसुधे वसुधारूपे वसुवासववन्दिते ॥ १७ ॥ धनदे यजमानाय वरदे वरदा भव । ब्रह्मण्यैर्ब्राह्मणैः पूज्ये पार्वतीशिवशङ्करे ॥ १८ ॥ ८. अन्तिम फलश्रुति (Final Benefits) स्तोत्रं दरिद्रताव्याधिशमनं सुधनप्रदम् । श्रीकरे शङ्करे श्रीदे प्रसीद मयि किङ्करे ॥ १९ ॥ पार्वतीशप्रसादेन सुरेशकिङ्करेरितम् । श्रद्धया ये पठिष्यन्ति पाठयिष्यन्ति भक्तितः ॥ २० ॥ सहस्रमयुतं लक्षं धनलाभो भवेद्ध्रुवम् । धनदाय नमस्तुभ्यं निधिपद्माधिपाय च । भवन्तु त्वत्प्रसादान्मे धनधान्यादिसम्पदः ॥ २१ ॥ ॥ इति श्री धनलक्ष्मी स्तोत्रम् सम्पूर्णम् ॥