Sri Dattatreya Hrudayam 2 – श्री दत्तात्रेय हृदयम् २ | अर्थ एवं लाभ

॥ श्री दत्तात्रेय हृदयम् २ ॥ ॥ विनियोगः ॥ अस्य श्रीदत्तात्रेय हृदयराज महामन्त्रस्य कालाकर्षण ऋषिः जगतीच्छन्दः श्रीदत्तात्रेयो देवता आं बीजं ह्रीं शक्तिः क्रों कीलकं श्रीदत्तात्रेय प्रसादसिद्ध्यर्थे जपे विनियोगः ॥ ॥ न्यासः ॥ द्रामित्यादि षडङ्गन्यासः ॥ ॥ स्तोत्रम् ॥ नमो नमः श्रीमुनिवन्दिताय नमो नमः श्रीगुरुरूपकाय । नमो नमः श्रीभवहरणाय नमो नमः श्रीमनुतल्पकाय ॥ १ ॥ विश्वेश्वरो नीलकण्ठो महादेवो महेश्वरः हरिः कृष्णो वासुदेवो माधवो मधुसूदनः । जनकश्च शतानन्दो वेदवेद्यो पितामहः त्रिमूर्तिरूपो भगवान् दत्तात्रेयो गुरुं नमः ॥ २ ॥ पञ्चाननो महादेवो गौरीमानसभास्करः ब्रह्मवादो सुखासीनो सुरलोकवरप्रदः । वेदाननो वेदरूपो मुक्तिमार्गप्रकाशकः त्रिमूर्तिरूपो भगवान् दत्तात्रेयो गुरुं नमः ॥ ३ ॥ कर्पूरगौरवर्णाङ्गो शैलजामनोरञ्जकः श्यामाभः श्रीनिवासो यो भक्तवाञ्छितदायकः । पीतरत्नाङ्गवर्णाङ्गो गायत्र्यात्मप्रलापकः त्रिमूर्तिरूपो भगवान् दत्तात्रेयो गुरुं नमः ॥ ४ ॥ त्रिपञ्चनयनो रुद्रो यो महाभैरवान्तकः द्विदलाक्षो महाकायो केशवो माधवो हरिः । अष्टाक्षो वेदसारङ्गो श्रीसुतो यज्ञकारणः त्रिमूर्तिरूपो भगवान् दत्तात्रेयो गुरुं नमः ॥ ५ ॥ दिग्बाहुमण्डितदेवो मृडानीप्राणवल्लभः सुमूर्तिकृत्कार्तिकेयो हृषीकेशः सुरेश्वरः । वसुः पाणिस्तपः शान्तो ब्रह्मण्यो मखभूषणः त्रिमूर्तिरूपो भगवान् दत्तात्रेयो गुरुं नमः ॥ ६ ॥ गङ्गाधरो महेशानो श्रीपतिर्भवभञ्जकः वाग्देवः कामशान्तो यो सावित्री वाग्विलासकः । ब्रह्मरूपो विष्णुशक्तिर्विश्वेशो त्रिपुरान्तकः त्रिमूर्तिरूपो भगवान् दत्तात्रेयो गुरुं नमः ॥ ७ ॥ नागप्रियो भूतनाथो जगत्संहारकारकः भुवनेशो भयत्राता माधवो भूतपालकः । विधाता रजरूपश्च ब्राह्मणोऽजकारकः त्रिमूर्तिरूपो भगवान् दत्तात्रेयो गुरुं नमः ॥ ८ ॥ कृद्धकॄरपिशाचेशो शाम्भवो शुद्धमानसः शान्तो दान्तो महाधीरो गोविन्दस्तत्त्वसागरः । अर्धूसर्धूमहाभागो रजोरूपो महर्षिकः त्रिमूर्तिरूपो भगवान् दत्तात्रेयो गुरुं नमः ॥ ९ ॥ चर्माम्बरधरो देवो लीलाताण्डवकौशलः पीताम्बरपरीधानो मायाचक्रान्तरात्मवित् । कर्माङ्गवस्त्रभूषो यो जगत्कारणकार्यधृत् त्रिमूर्तिरूपो भगवान् दत्तात्रेयो गुरुं नमः ॥ १० ॥ कपालमालांशुधरो भस्मभूषो शुभप्रदः श्रीवत्सः प्रीतिकरो योगवान्यो पुरुषोत्तमः । यज्ञसूत्रोत्तरीभूषो वेदमार्गप्रभाकरः त्रिमूर्तिरूपो भगवान् दत्तात्रेयो गुरुं नमः ॥ ११ ॥ त्रिशूलपाणिः सर्वज्ञो ज्ञानेन्द्रियप्रियङ्करः गदापाणिश्चार्वङ्गो विश्वत्राता जगत्पतिः । कमण्डलुधरो देवो विधाता विघ्ननाशनः त्रिमूर्तिरूपो भगवान् दत्तात्रेयो गुरुं नमः ॥ १२ ॥ शिलानसूनुवरदश्चण्डांशुश्चण्डविक्रमः अरुणो विरजो धाता भक्तिमानसबोधकः । पद्मासनो पद्मवेत्ता हंसमानसपञ्जरः त्रिमूर्तिरूपो भगवान् दत्तात्रेयो गुरुं नमः ॥ १३ ॥ ॥ फलश्रुति ॥ इत्येवम दत्तहृदयं एकभक्त्या पठेन्नरः । भुक्तिमुक्तिप्रदं लोके दत्तसायुज्यमाप्नुयात् ॥ १४ ॥ धनकामे पुत्रकामे नानाकामे अहेतुके । पठनात्साधकेभ्यश्च सर्वकामफलप्रदम् ॥ १५ ॥ मन्त्रमात्रं समुच्चार्य दशदोषनिवारकं सिद्धमन्त्रो भवत्येवं नात्र कार्या विचारणा ॥ १६ ॥ इदं हृदयमाहात्म्यं त्रिषु लोकेषु दुर्लभम् । साक्षात्कारप्रदं स्तोत्रं सत्यं सत्यं वदाम्यहम् ॥ १७ ॥ चतुर्विंशतिकान् श्लोकान् जप्त्वा द्वादशसङ्ख्यया । तस्य द्वादशभागेन जप्त्वा चैकपुरश्चरम् ॥ १८ ॥ सूर्यसङ्ख्यपुरश्चर्यात् कृतो वै साधकोत्तमः । तस्य पाठप्रभावेन दत्तदर्शनमाप्नुयात् ॥ १९ ॥ प्रत्येकं श्लोकश्लोके कृत्वा पाठं विचक्षणः । तेन सान्निध्यता शीघ्रं दत्तात्रेयस्य जायते ॥ २० ॥ ॥ इति श्री दत्तात्रेय हृदयम् सम्पूर्णम् ॥