श्री रत्नमाला स्तोत्रम् (आर्यावलोकितेश्वर)

॥ ratnamālāstōtram ॥

vimalaśūnyakr̥pārdracittaṁ mārgajñatāprathitadēśanayārthavācam । sarvajñatādiparipūrṇaviśud'dhadēhaṁ jñānādhikāralalitaṁ śirasā namāmi ॥ 1॥ vainēyabhēdavaśatō bahudhāvabhāsairēkō'pi pātragajalēṣu śaśīva yasmāt । sanlakṣasē parahitānugataiva tasmād bud'dhistvahō paramavismayanīyarūpā ॥ 2॥ sampūrṇacandravadanē lalitō lalāṭadēśādvinirgatamahēśvaradēvaputraḥ । vainēyaśāmbhavajanapratibōdhanārthaṁ dēvādhidēvapratimānuja īśvarastvam ॥ 3॥ vainēyakōmalabhavapratibōdhanāya kiṁ dhāma sambhr̥ta mahāśubhalakṣaṇaṁ tē । niryāta ēva hi pitāmahadēvapūjāṁ lōkēśvarēśvaraparaṁ śirasā namāmi ॥ 4॥ vainēyavaiṣṇavajanapratibōdhanāya rājīvapāṇihr̥dayāt pratiniḥsr̥tō'sau । nārāyaṇō'pi bhuvanēśvara ēva tasmāt punsāṁ tvamēva paramōttama ēva nānyaḥ ॥ 5॥ candrārkasādarabalāhitabhaktibhājāṁ sandarśanārthamibhanīlasulōcanābhyām । yanniḥsr̥tau śaśiravī bhuvi lōcanābhyāṁ dhvastāntarālatamasaṁ tamahaṁ namāmi ॥ 6॥ sārasvatīvinayayōjitabhaktibhājāṁ bōdhāya vai bhagavatīha sarasvatīyam । dr̥ṣṭāgratastava jinātmajapaprasūtā prajñābhilāṣiphaladaṁ tamahaṁ namāmi ॥ 7॥ vainēyavāyujanitākṣaramārgasid'dhyai yō lōkanātha sugatō'tha viniḥsr̥tō'sau । dēvaḥ samīraṇavarō bhuvi janmabhājāmīryāpathārthaphaladaṁ tamahaṁ namāmi ॥ 8॥ vainēyavāruṇaśivāyanamīpsitānāṁ sambōdhanārthamudarātsugatātmajānām । yanniḥsr̥tō varuṇadēvavarō'pyakasmādaiśvaryasid'dhi phaladaṁ tamahaṁ namāmi ॥ 9॥ vainēyasum'mataphalādyabhilāṣiṇō vai sansid'dhayē pravaralakṣaṇapādapadma । yanniḥsr̥tā bhagavatī dharaṇī prasid'dhā trailōkyanāthamasamaṁ satataṁ namāmi ॥ 10॥ sansāramuktamapi susthitamēva tatra kāruṇyataśca bhavacāriṇi sattvavargē । bhūyāt sthitirmama sadāsthirasā bhavantamēvaṁ mahāśayavaraṁ paramaṁ namāmi ॥ 11॥ ēkēna pādatalakēna bhavatsvakēna cakrāntasanvaramanantaralōkadhātau । kalpāntadagdhabhuvanē jvalitōgravahnirniḥśvāsavāyubalatastava nirvr̥taḥ syāt ॥ 12॥ svāṁ tarjanīṁ mukhadhr̥tō'hitatarjanēna sañcālitāśca bahumērugaṇā nakhasya । kōṣōd'dhr̥taṁ jaladhitōyamaśēṣataḥ syāt sāmarthyamīdr̥śamahō bhavataḥ kutō'nyat ॥ 13॥ kvēdaṁ ca śaiśavaparaṁ nanu cārurūpaṁ sandarśanīyavarakōmalabālacandram । durvāramāramathanaṁ ca mayaikasahyaṁ vikrāntaduḥsahaparaṁ kva ca cēṣṭitaṁ tē ॥ 14॥ ēṣā batāñjananibhōrujanāvalī sā kauṭilyacāruvikaṭā svaśirōruhāgrē । klēśēndhanē jvalitavisphuritatvavahnē- dhūmāvalīva vimalā nanu lakṣyatē tē ॥ 15॥ tvatkāntilēśavimalā daśadikpratānaiḥ pakṣāsitakṣayakr̥śā sakalā suśōbhā । paryanta iṣṭaśaśinō bhavanēṣu yattē manyē virāji nikhilaṁ tava kāntilēśāt ॥ 16॥ bandhurhi kō mārgikasam'mataṁ mataṁ narō narī sā sa ca satpathaṁ patham । parārthasampāditasanvaraṁ varaṁ namāmi bhūmīśvararājinaṁ jinam ॥ 17॥ anityanirvāṇapadē sthitaṁ sthitaṁ prabhāsvarādhiṣṭhitasanhitaṁ hitam । śamīkr̥tāśēṣajanaṁ śivaṁ śivaṁ namāmi bhūmīśvararājinaṁ jinam ॥ 18॥ gabhastimālāmitasaṅkulaṁ kulaṁ tatra svapāṇau dhr̥tapaṅkajaṁ kajam । ratānugāśōbhitasanrataṁ rataṁ namāmi bhūmīśvararājinaṁ jinam ॥ 19॥ svadharmadhātuṁ karuṇāparaṁ paraṁ śubhādisambhārasusambhr̥taṁ bhr̥tam । vikalpahīnaṁ dhvanidēśakaṁ śakaṁ namāmi bhūmīśvarājinaṁ jinam ॥ 20॥ tathatātathatādvayaśātaśataṁ sadasatparipūritadharmakatham । kathanīyavirājitasatyaparaṁ praṇamē dharaṇīśvararājavaram ॥ 21॥ varavārijarūpi jagatprasaraṁ sarasīruhalōcanacārutaram । tarasāpi rasatvaviśud'dhiparaṁ praṇamē dharaṇīśvarājavaram ॥ 22॥ varanirmitabhōgaparārtharataṁ rataśūnyanirañjanadharmadharam । dharaṇīndravibhūṣitasid'dhiparaṁ praṇamē dharaṇīśvararājavaram ॥ 23॥ varasatsahajōdadhicandramukhaṁ sukhabhāṣitasattvavimuktipadam । padabhūṣaṇalakṣaṇatānuparaṁ praṇamē dharaṇīśvararājavaram ॥ 24॥ lōkēśvarēyaṁ (māṁ) tava ratnamālāmacīkaracchrīvanaratnapādaḥ । avāpi yattēna śubhapratiṣṭaṁ tēnaiva lōkō'stu samantabhadraḥ ॥ 25॥ ॥ iti śrīmadāryāvalōkitēśvarabhaṭṭārakasya ratnamālāstōtraṁ sampūrṇam ॥