Narada Kruta Sri Rama Stuti – श्री राम स्तुतिः (नारद कृतम्)

॥ श्री राम स्तुतिः (नारद कृतम्) ॥ श्रीरामं मुनिविश्रामं जनसद्धामं हृदयारामं सीतारञ्जन सत्यसनातन राजारामं घनश्यामम् । नारीसंस्तुत कालिन्दीनत निद्राप्रार्थित भूपालं रामं त्वां शिरसा सततं प्रणमामि च्छेदित सत्तालम् ॥ १ ॥ नानाराक्षसहन्तारं शरधर्तारं जनताधारं वालीमर्दन सागरबन्धन नानाकौतुककर्तारम् । पौरानन्दद नारीतोषक कस्तूरीयुत सत्फालं रामं त्वां शिरसा सततं प्रणमामि च्छेदित सत्तालम् ॥ २ ॥ श्रीकान्तं जगतीकान्तं स्तुतसद्भक्तं बहुसद्भक्तं सद्भक्तहृदयेप्सितपूरक पद्माक्षं नृपजाकान्तम् । पृथ्वीजापति विश्वामित्रसुविद्यादर्शितसच्छीलं रामं त्वां शिरसा सततं प्रणमामि च्छेदित सत्तालम् ॥ ३ ॥ सीतारञ्जितविश्वेशं धरपृथ्वीशं सुरलोकेशं ग्रावोद्धारण रावणमर्दन तद्भ्रातृकृतलङ्केशम् । किष्किन्धाकृतसुग्रीवं प्लवगबृन्दाधिप सत्पालं रामं त्वां शिरसा सततं प्रणमामि च्छेदित सत्तालम् ॥ ४ ॥ श्रीनाथं जगतांनाथं जगतीनाथं नृपतीनाथं भूदेवासुरनिर्जरपन्नग-गन्धर्वादिकसन्नाथम् । कोदण्डधृत तूणीरान्वित सङ्ग्रामेकृत भूपालं रामं त्वां शिरसा सततं प्रणमामि च्छेदित सत्तालम् ॥ ५ ॥ रामेशं जगतामीशं जम्बुद्वीपेशं नतलोकेशं वाल्मीकिकृतसंस्तवहर्षित सीतालालित वागीशम् । पृथ्वीशं हृतभूभारं सतयोगीन्द्रं जगतीपालं रामं त्वां शिरसा सततं प्रणमामि च्छेदित सत्तालम् ॥ ६ ॥ चिद्रूपं जितसद्भूपं नतसद्भक्तं नतसद्भूपं सप्तद्वीपजवर्षजकामिनिसंनीराजित पृथ्वीशम् । नानापार्थिव नानोपायन सम्यक्तोषित सद्भूपं रामं त्वां शिरसा सततं प्रणमामि च्छेदित सत्तालम् ॥ ७ ॥ संसेव्यं मुनिभिर्गेयं कविभिः स्तव्यं हृदि सन्ध्यारं नानापण्डिततर्कपुराणजवाक्यैर्धिक्कृतसत्काव्यम् । साकेतस्थित कौसल्यासुत गन्धाद्यङ्कित सत्फालं रामं त्वां शिरसा सततं प्रणमामि च्छेदित सत्तालम् ॥ ८ ॥ भूपालं घनसन्नीलं नृपसद्बालं कलिसङ्कालं सीताजानिं वरोत्पललोचन मन्त्रीमोचित तत्कालम् । श्रीसीताकृतपद्मास्वादन सम्यक्शिक्षित तत्कालं रामं त्वां शिरसा सततं प्रणमामि च्छेदित सत्तालम् ॥ ९ ॥ ॥ फलश्रुति ॥ हे राजन् नवभिः श्लोकैः भुविपापहरं नवकं रम्यं मे बुद्ध्याकृतमुत्तम नूतनमेतद्राघवमर्त्यानम् । स्त्रीपौत्रान्नादिकक्षेमप्रदमस्मत्सद्वरदं बालं रामं त्वां शिरसा सततं प्रणमामि च्छेदित सत्तालम् ॥ १० ॥ ॥ इति श्री नारद कृत श्रीरामस्तुतिः सम्पूर्णा ॥