Lopamudra Kruta Sri Lakshmi Stotram – लोपामुद्रा कृत लक्ष्मी स्तोत्र

॥ श्री लक्ष्मीनारायणसंहितायां ॥ ॥ श्री लोपामुद्रा कृत लक्ष्मी स्तोत्रम् ॥ १. विश्वमाता वंदना (Salutation to the Universal Mother) मातर्नमामि कमले पद्माऽऽयतसुलोचने । श्रीविष्णुहृत्कमलस्थे विश्वमातर्नमोऽस्तु ते ॥ १ ॥ २. क्षीरसागर पुत्री (Daughter of the Ocean) क्षीरसागरसत्पुत्रि पद्मगर्भाभसुन्दरि । लक्ष्मि प्रसीद सततं विश्वमातर्नमोऽस्तु ते ॥ २ ॥ ३. सर्वव्यापी शक्ति (Omnipresent Power) महेन्द्रसदने त्वं श्रीः रुक्मिणी कृष्णभामिनी । चन्द्रे ज्योत्स्ना प्रभा सूर्ये विश्वमातर्नमोऽस्तु ते ॥ ३ ॥ ४. अग्नि और आनंद (Fire & Bliss) स्मितानने जगद्धात्रि शरण्ये सुखवर्धिनि । जातवेदसि दहने विश्वमातर्नमोऽस्तु ते ॥ ४ ॥ ५. त्रिदेवी स्वरूप (The Trinity Form) ब्रह्माणि त्वं सर्जनाऽसि विष्णौ त्वं पोषिका सदा । शिवे संहारिका शक्तिर्विश्वमातर्नमोऽस्तु ते ॥ ५ ॥ ६. गुणों का स्रोत (Source of Virtues) त्वया शूरो गुणी विज्ञो धन्यो मान्यः कुलीनकः । कलाशीलकलापाढ्यो विश्वमातर्नमोऽस्तु ते ॥ ६ ॥ ७. चराचर जगत (The Manifested World) त्वया गजस्तुरङ्गश्च स्त्रैणस्तृणं सरः सदः । देवो गृहं कणः श्रेष्ठा विश्वमातर्नमोऽस्तु ते ॥ ७ ॥ ८. सकल सृष्टि (All Beings) त्वया पक्षी पशुः शय्या रत्नं पृथ्वी नरो वधूः । श्रेष्ठाः शुद्धा महालक्ष्मि विश्वमातर्नमोऽस्तु ते ॥ ८ ॥ ९. प्रार्थना (Final Prayer) लक्ष्मि श्री कमले पद्मे रमे पद्मोद्भवे सति । अब्धिजे विष्णुपत्नि त्वं प्रसीद सततं प्रिये ॥ ९ ॥ ॥ इति श्रीलोपामुद्रा कृत श्री लक्ष्मी स्तोत्रम् सम्पूर्णम् ॥