श्री गणेश दिव्यदुर्ग स्तोत्रम् (Ganesha Divya Durga Stotram)

॥ श्री गणेश दिव्यदुर्ग स्तोत्रम् ॥ श्रीकृष्ण उवाच (श्रीकृष्ण बोले): वद शिव महानाथ पार्वतीरमणेश्वर । दैत्यसङ्ग्रामवेलायां स्मरणीयं किमीश्वर ॥ १ ॥ ईश्वर उवाच (भगवान शिव बोले): शृणु कृष्ण प्रवक्ष्यामि गुह्याद्गुह्यतरं महत् । गणेशदुर्गदिव्यं च शृणु वक्ष्यामि भक्तितः ॥ २ ॥ त्रिपुरवधवेलायां स्मरणीयं किमीश्वर । दिव्यदुर्गप्रसादेन त्रिपुराणां वधः कृतः ॥ ३ ॥ श्रीकृष्ण उवाच (श्रीकृष्ण बोले): हेरम्बस्य दुर्गमिदं वद त्वं भक्तवत्सल । ईश्वर उवाच (भगवान शिव बोले): शृणु वत्स प्रवक्ष्यामि दुर्गे वैनायकं शुभम् ॥ ४ ॥ सङ्ग्रामे च श्मशाने च अरण्ये चोरसङ्कटे । नृपद्वारे ज्वरे घोरे येनैव मुच्यते भयात् ॥ ५ ॥ दश-दिशा रक्षा (Protection of Directions) प्राच्यां रक्षतु हेरम्बः आग्नेय्यामग्नितेजसा । याम्यां लम्बोदरो रक्षेत् नैरृत्यां पार्वतीसुतः ॥ ६ ॥ प्रतीच्यां वक्रतुण्डश्च वायव्यां वरदप्रभुः । गणेशः पातु औदीच्यां ईशान्यामीश्वरस्तथा ॥ ७ ॥ ऊर्ध्वं रक्षेद्धूम्रवर्णो ह्यधस्तात्पापनाशनः । एवं दशदिशो रक्षेत् हेरम्बो विघ्ननाशनः ॥ ८ ॥ फलश्रुतिः (Benefits) हेरम्बस्य दुर्गमिदं त्रिकालं यः पठेन्नरः । कोटिजन्मकृतं पापं एकावृत्तेन नश्यति ॥ ९ ॥ गणेशाङ्गारशेषेण दिव्यदुर्गेण मन्त्रितम् । ललाटं चर्चितं येन त्रैलोक्यवशमानयेत् ॥ १० ॥ मात्रागमसहस्राणि सुरापानशतानि च । तत् क्षणात्तानि नश्यन्ति गणेशतीर्थवन्दनात् ॥ ११ ॥ नैवेद्यं वक्ततुण्डस्य नरो भुङ्क्ते तु भक्तितः । राज्यदानसहस्राणि तेषां फलमवाप्नुयात् ॥ १२ ॥ कदाचित्पठ्यते भक्त्या हेरम्बस्य प्रसादतः । शाकिनी डाकिनी भूतप्रेत वेताल राक्षसाः ॥ १३ ॥ ब्रह्मराक्षसकूष्माण्डाः प्रणश्यन्ति च दूरतः । भूर्जे वा ताडपत्रे वा दुर्गहेरम्बमालिखेत् ॥ १४ ॥ करमूले धृतं येन करस्थाः सर्वसिद्धयः । एकमावर्तनं भक्त्या पठेन्नित्यं तु यो नरः ॥ १५ ॥ कल्पकोटिसहस्राणि शिवलोके महीयते । लिङ्गदानसहस्राणि पृथ्वीदानशतानि च ॥ १६ ॥ गजदानसहस्रं च गणेशस्तवनात् फलम् ॥ १७ ॥ इति श्रीपद्मपुराणे गणेशदिव्यदुर्गस्तोत्रं सम्पूर्णम् ।