॥ श्री महागणपति षोडशोपचार पूजा ॥ ध्यानम् शुक्लाम्बरधरं विष्णुं शशिवर्णं चतुर्भुजम् । प्रसन्नवदनं ध्यायेत् सर्वविघ्नोपशान्तये ॥ ध्यायेद्गजाननं देवं तप्तकाञ्चनसन्निभम् । चतुर्भुजं महाकायं सर्वाभरणभूषितम् ॥ श्री महागणपतये नमः । ध्यायामि । १. आवाहनम् आवाहयामि देवेशं विघ्नराजं महाबलम् । सर्वसिद्धिकरं देवं भक्तानां भयनाशनम् ॥ श्री महागणपतये नमः । आवाहयामि । २. आसनम् रम्यं सुशोभनं दिव्यं सर्वसौख्यकरं शुभम् । आसनं च मया दत्तं गृहाण परमेश्वर ॥ श्री महागणपतये नमः । आसनं समर्पयामि । ३. पाद्यम् उष्णोदकं निर्मलं च सर्वगन्धसमन्वितम् । पादप्रक्षालनार्थाय दत्तं ते प्रतिगृह्यताम् ॥ श्री महागणपतये नमः । पादयोः पाद्यं समर्पयामि । ४. अर्घ्यम् अर्घ्यं गृहाण देवेश गन्धपुष्पाक्षतैर्युतम् । करुणां कुरु मे देव गृहभक्तोऽसि मे सदा ॥ श्री महागणपतये नमः । हस्तयोरर्घ्यं समर्पयामि । ५. आचमनीयम् सर्वतीर्थसमायुक्तं सुगन्धि निर्मलं जलम् । आचम्यतां मया दत्तं गृहाण परमेश्वर ॥ श्री महागणपतये नमः । मुखे आचमनीयं समर्पयामि । ६. स्नानम् गङ्गासरस्वतीरेवापयोष्णीनर्मदाजलैः । स्नापितोऽसि मया देव तथा शान्तिं कुरुष्व मे ॥ श्री महागणपतये नमः । स्नानं समर्पयामि । (स्न्नानान्ते पुनराचमनीयं समर्पयामि) ७. वस्त्रम् रक्तवस्त्रयुगं देव दिव्यकाञ्चनसम्भवम् । सर्वप्रदं गृहाणेदं लम्बदर हराम्यहम् ॥ श्री महागणपतये नमः । वस्त्रयुग्मं समर्पयामि । ८. उपवीतम् यज्ञोपवीतं परमं पवित्रं प्रजापतेर्यत्सहजं पुरस्तात् । आयुष्यमग्र्यं प्रतिमुञ्च शुभ्रं यज्ञोपवीतं बलमस्तु तेजः ॥ श्री महागणपतये नमः । यज्ञोपवीतं समर्पयामि । ९. गन्धम् श्रीखण्डं चन्दनं दिव्यं गन्धाढ्यं सुमनोहरम् । विलेपनं सुरश्रेष्ठ चन्दनं प्रतिगृह्यताम् ॥ श्री महागणपतये नमः । गन्धं समर्पयामि । १०. पुष्पाणि माल्यादीनि सुगन्धीनि मालत्यादीनि वै प्रभो । मयाहृतानि पुष्पाणि पूजार्थं प्रतिगृह्यताम् ॥ श्री महागणपतये नमः । पुष्पाणि समर्पयामि । ११. धूपम् वनस्पतिरसोद्भूतो गन्धाढ्यो गन्ध उत्तमः । आघ्रेयः सर्वदेवानां धूपोऽयं प्रतिगृह्यताम् ॥ श्री महागणपतये नमः । धूपं आघ्रापयामि । १२. दीपम् साज्यं च वर्तिसंयुक्तं वह्निना योजितं मया । दीपं गृहाण देवेश त्रैलोक्यतिमिरापहम् ॥ श्री महागणपतये नमः । दीपं दर्शयामि । १३. नैवेद्यम् नैवेद्यं गृह्यतां देव भक्तिं मे ह्यचलां कुरु । ईप्सितं मे वरं देहि परत्र च परां गतिम् ॥ मोदकं, लड्डुकं, फलादीनि च निवेदयेत् । श्री महागणपतये नमः । नैवेद्यं निवेदयामि । १४. ताम्बूलम् पूगीफलं महद्दिव्यं नागवल्लीदलैर्युतम् । एलालवङ्गसंयुक्तं ताम्बूलं प्रतिगृह्यताम् ॥ श्री महागणपतये नमः । मुखवासार्थे ताम्बूलं समर्पयामि । १५. प्रदक्षिणा यानि कानि च पापानि जन्मान्तरकृतानि च । तानि तानि प्रणश्यन्ति प्रदक्षिणपदे पदे ॥ श्री महागणपतये नमः । प्रदक्षिणां समर्पयामि । १६. मन्त्रपुष्पाञ्जलिः ओं यज्ञेन यज्ञमयजन्त देवाः तानि धर्माणि प्रथमान्यासन् । ते ह नाकं महिमानः सचन्त यत्र पूर्वे साध्याः सन्ति देवाः ॥ ओं राजाधिराजाय प्रसह्यसाहिने नमो वयं वैश्रवणाय कुर्महे ... श्री महागणपतये नमः । मन्त्रपुष्पाञ्जलिं समर्पयामि । नमस्कारान् समर्पयामि । ॥ इति श्री महागणपति षोडशोपचार पूजा सम्पूर्णा ॥